Page 60 - Баһылай-Мүрү. Лена тэрээһиннээх хаһаайыстыба

күүрээннээх үлэ күрэҕэр туруммуттарын илэ харахпынан көрөн
астынным. Салайааччылара СР тыатын хаһаайыстыбатын туйгуна
Иннокентий Иннокентьевич Портнягин саамай сөпкө эппит,
хайҕаабыт эбит. Кини бу учаастагы салайбыта уон ахсыс сылыгар
барда. “Лена” тэрээһиннээх хааайыстыба биир биллэр-көстөр үлэлээх
производственнай учаастага буоларын өссө төгүл итэҕэйдим.
Билиҥҥи уустук, үп-харчы тиийбэт, санаабытын хоту барыта
табыллан испэт бириэмэтигэр араас өйдөөх-санаалаах дьону биир
сыалга түмэ тардан үлэлэтиэх диэтэххэ ыарахан, дэбигис киһи
ылыммат дьыалата курдук көрөбүн. Кырдьык, элбэх укулааттаах
тыа хаһаайыстыбатын курдук салааҕа үлэлиир ыарахатгардаах. Ол
эрэн, маннык үрдүк эппиэтинэһи ылынан ырыынак уустук
бириэмэтигэр дьоннорун-сэргэлэрин үлэлэтэ-хамсата, салайа
сылдьар дьоннорунан убайдыы-быраат Семен, Иннокентий
Портнягиннар буолалларын улахан убаастабылынан ахтыахпын
баҕарабын. Туох да үлүннэриитэ дарбааһына суох кинилэр быһаччы
салайыыларынан “Лена” тэрээһиннээх хаһаайыстыбата, Саһылыкаан
биригээдэтэ ыһыллыбакка күн бүгүнүгэр диэри тигинэччи үлэлээн
кэллэ. Маныаха нэһилиэк дьаһалтатын баһылыга Василий
Иннокентьевич Иванов көмөтө улаханын ахтыбат буолуохха
табыллыбат. Кини быһаччы орооһуутунан саҥа технологиялар,
улахан тутуулар олоххо киирэллэр.
Хаһаайыстыба 76 үлэһиттээх. Бас билиитигэр 670 гектар
бааһыналаах, 662 гектар оттуур ходуһалаах. Сүрүн баайа-дуола 522
ынах сүөһү, бу иһиттэн ыанар ынаҕа 205, сыспай сиэллээҕэ 348,
мантан төрүүр биэтэ 222. Оттуур ходуһата кырыымчыгынан, сыл
ахсын атын сиргэ көһөн оттуур кыһалҕалаах.
Саһылыкаан улуус биир кытыы учаастага эрээри, сэргэх үлэлээх
бөһүөлэкгэртэн биирдэстэрэ. Манна 130 киһи олорор, 6 кылаастаах
оскуола, 12 оҕолоох оҕо сада, медпуун, кулууп бааллар. Бу күһүн
квартальнай хочуолунай тутуллан үлэҕэ киирбитэ Олохтоохтор
сүнньүнэн ынах сүөһү, сылгы иитиинэн, сир оҥоһуутунан
утумнаахтык дьарыкганаллар.
Нэһилиэкдьаһалтатын баһылыга В.И.Иванов кытыы учаастагы
сайыннарар сыалтан эдэр эрчимнээх киһини В.В.Бурнашеву солбуйар
баһылыгынан анаабыта. Владимир Васильевич өр сылларга
кыайтарбатах квартальнай хочуолунайы үлэҕэ киллэриигэ быһаччы
үлэлэспитин ахтыбат буолуохха табыллыбат. Билигин капитальнай
өрөмүөн суотугар кулууп үрдүн көтүрэн үрдэтэн бөһүөлэк ыччатгара
мустан сынньанар, оонньуур спортивнай залларын оҥорор
былааннаахтар. Салайааччылар уопсай тылы булан биир өйүнэн-

56