Page 62 - Баһылай-Мүрү. Лена тэрээһиннээх хаһаайыстыба

бөдөттөр эккэ туһанабын, барыстаах курдук. Атыыр быһыытынан
үлүпээй туһаннахха саха боруодатын үтүө хаачыстыбаларын
кэҕиннэриэ диэн сэрэхэди йэби н биир да оҕотун иитиигэ
хаалларбаппын. Чугастааҕы ыалларбыт атыылаһаары ыйыталаһаллар.
Биэрэрим буолуо, -Антон Николаевич атыырын курдук дьүһүннээх
холку майгылаах бөдөҥ-садаҥ убаһаны өрөкүйбүт сиэлин оргууйдук
имэрийэн ыла-ыла аһыммыт куолаһынан хоруйдаата.
—Сылгыларгар төһөҕө тахса сылдьыаххыный? — Семен
Иннокентьевич киһититтэн намыын куолаһынан быһа түһэн
ыйытар.
—Бараары турар этим. Сырыттыгыт дуо? Хас саҕана тиийэбин,
— диэн сылгыһыт дьөһөгөйдөрүн хайаан да көрдөрөр баҕатын
биллэрдэ.
—Чэ сөп, тахсан көрүөххэйин, — Семен Портнягин бачча кэлэн
баран дьыл быыһык кэмигэр сылгылар туруктарын сиһилии көрөр,
билсэр санаалааҕын эттэ.
Толоонтон эбии икки атыыр үөрэ кэлбит. Антон Николаевич
мааҕыын эрдэ бэлэмнээбит сыарҕалаах отун сылгыларыгар ыһан
биэрдэ. Ону эрэ кэтэспиттии икки атыыр үөрэ бэрт эйэлээхтик
үтүрүйсүүтэ суох киэн сиринэн ыһыллыбыт отторун хабыалаа-
бытынан бардылар. Кыбыыга хас да хонукка тиийэр от саппааһа
тиэллибит. Сайын ахсын сылгыһьптар бэйэлэрин күүстэринэн звено
тэринэн от хампаанньатыгар тэрээһиннээхтик тахсан сылгыларын
айаҕар кыстыыр отторун бэйэлэрэ булуналлар. Тэрээһиннээх
хаһаайыстыба сылгыһыттарын СР тыатын хаһаайыстыбатын
үтүөлээх үлэһитэ А.А.Белолюбскай салайар. Манна быһааран
биэрдэххэ, буудьуор сылгыһыттар Белолюбскайдар династияларын
үһүс көлүөнэ ыччаттара төрүппүттэрин суохтаппакка дьоһуннук
солбуйа сыддьаллара хайҕаллаах дьыала. Афанасий Афанасьевич икки
төрөппүт уолаттарын Егору, Анатолийы сылгыһыт курдук уустук
идэҕэ уһуйан үлэлэтэ сылдьара кэрэхсэбиллээх
—Быйыл өтөрүнэн буолбатах халыҥ хаардаах, мөлтөххаһыылаах
сылгы кыстыга ааһан эрэр. Мөлтөөбүт туруктаах хаһыы сылгыларын
эрдэ аһылыкка киллэрбиппит. Сэниэ ыллара-ыллара хаһыыга
ыытабыт. Хастарыы аҥардаан мэҥиэлээн аһатаммыт дьыл баччатыгар
этэҥҥэ кэллибит, — диир араас сылларга эрэйи-кыһалҕаны эт
илиитинэн тутан-хабан билбит, ыҥыыр үрдүттэн түспэккэ
үлэлээбит уопуттаах сылгыһыт.

58