Page 86 - Баһылай-Мүрү. Лена тэрээһиннээх хаһаайыстыба

таҥастаах бэрт чөллөркөй куоластаах алгысчыт айыылары ааҕа алҕаата,
аал уотун уматан аһатта, сайылыкка хойуу түптэ буруотун унаарытга.
Кэлбит ыалдьыттар үтүө үгэһи тутуһан бука бары буруо тула
үөмэхтэһэ туран ыраастаннылар. Ити кэнниттэн алгысчыт сайылык
малааһыныгар киирии сиэрин-туомун тутуһан кыһыл лиэнтэни
быһарга улуус дьаһалтатын баһылыгын бастакы солбуйааччы
Е.А.Судьаайы, нэһилиэк баһылыгын В .И .Ивановы, «Лена»
тэрээһиннээх хаһаа-йыстыба салайааччытын С.И.Портнягины
ыҥыртыыр. Эҕэрдэлииргэ тылы ылар Егор Афанасьевич Судьаай.
Кини үтүө мэччи-рэҥнээх үүттүгэннээх, ыраас уулаах сиргэ-уокка
дьүөрэлии бэрт тупсаҕай тутуулардаах сайылыгы сөҕө-махтайа
аҕынна. Мантан салгыы кини бу бэртээхэй сайылыгы туттарбыт
хаһаайыстыба салайааччыта С.И.Портнягин үлэһиттэр үлэлиил-
лэригэр, олороллоругар сөптөөх усулуобуйаны тэрийбитин
тоһоҕолоон бэлиэтээтэ. Нэһилиэк дьаһалтатын баһылыга В.И.Ива­
нов бас-тыҥ үлэһиттэргэ сыаналаах бэлэхтэри туттаран туран:
— Күһүн хойукка диэри олорон үрүҥ илгэни дэлэйдик
оҥороргут туһугар дьиэ-лэргитигэр аныгылыы камин оһохтору
туттарыам, - диэн этиитин сайылык олохтоохторо үөрэ, биһирии
истибиттэрин биллэрэн дохсун ытыс тыаһынан көрүстүлэр.
Түгэнинэн туһанан олоҕу кытары тэҥ ҥ э хардыылыыр эдэр,
эрчимнээх салайааччы Василий Иванов нэһилиэгэ чэчирии
сайдарын туһугар саҥаны, бастыҥы олоххо киллэриигэ туох баар
билиитин-көрүүтүн, өйүн-санаатын ууран кэскиллээхтик үлэлиир
баһыльпсгартан биир бастыҥнара.
Урукку «Лена» совхоз парткомун секретара И.С.Оконешников,
рабочком председателэ А.А.Окоемов ырыынак усулуобуйатыгар
тэрээһиннээх хаһаайыстыба үлэһиттэрэ биир киһи курдук
ыһыллыбакка тутуспутунан олорон эриэ-дэхси үчүгэй түмүкгэри
ситиспиттэрин үөрэ, хайҕыы аҕыннылар. Маныаха биллэн туран,
улахан баһылыыр-көһөлүүр оруолу Саһылыкаан ыччаттара Сэмэн,
Иннокентий Портнягиннар ылаллар. Совхоз саҕаттан Саһылыкаан
биригээдэтигэр ыччат-комсомольскай фермалар, звенолар тэриллэн
бииртэн биир үрдүк көрдөрүүлэри ситиһэллэрэ.
Саҥа сайылыгы аһыы бырааһынньыгар ыаллыы кэккэлэһэ
олорор «Сыырдаах» тэрээһиннээх хаһаайыстыба салайааччыта
М.Н.Копырин, «Хаҥа» бааһынай хаһаайыстыбатын баһылыга
Г.Г.Черкашин кыттыыны ыллылар, үөлээннээхтэрин үөрүүлэрин
тэҥҥэ үллэһиннилэр.

82