Page 347 - Сергей Васильев. Хоһооннор, поэмалар
P. 347
Ат-Дабаан дьаамыгар
Ааттаах Короленконы көрсөн,
Амма сахаларын аатыгар
Аҕыс төгүл илии тутустум.
Бэрдьигэстээх оскуолатыгар
Петровскайы кытта көрсөн,
Үс саха дойдутугар
Революция кыымын ыспытыгар
Баһыыба биэрэн махтанан,
Баараҕай күлүгүн иннигэр
Куоластыы хоҥкуйан сүгүрүйдүм,
Сахалыы хоһуйан кинигаи үөртүм.
Оиинэ дьаамын колхоһугар
Серго Орджоникидзены көрсөн,
Бар-дьонум аатыттан
Барҕа баһыыба туттаран,
Ис сүрэхтэн уруйдаатым,
Нлиитин ылан убураатым.
Кубаҕай хортууһун уһулан,
Холкутук хонойон олорон,
Куруһуокка үөрэтэн көтүпиүт
Хотойдорун биирдии сураста,
Баттал сыабын көтүрбүт
Бастыҥ бассабыыктары ыйытта...
Ыйытта —
Якутскай төһө улааппытын,
Дьон-сэргэ элбээбитин.
Сураста —
Ойуунускай төлөннөөх ырыатын,
Емельян Ярославскай музейын.
Өрүөлчээн хараҕа уоттанна,
Үөһээ бытыгын, туора оотунна,
Кэпсээтэ: хайдах үөрбүтүн,
Ленаҕа тимир суолунан кэлбитин.
«Аҕабыт Ленин эппитэ,
Аан аһан ыйан биэрбитэ,
Оо, түргэнник да олохтоммут,
Улуу Лена саҥа хоһоонноммут!
Үөрдүм куорат элбээбититтэн,
Тыыһынчанан трактор тигинээбититтэн!
341
