Page 349 - Сергей Васильев. Хоһооннор, поэмалар
P. 349
Дьэ, Иһит дьагмыгар бу тиийэн
Дьиэрэччи-дуораччы туойуохпун,
Хотун Ленам туһугар Иран
Хомоҕой хоһооннору айыахпын,
Соноҕос, айаннаа,
Суһаллык сэгэйэн,
Туйаххын сытыылаа,
Тоҥ хаарга чыбыйан!
Сыарҕам, өссө ыллаа,
Сыыдам санааны элбэтэн.
Чуоҕусту.ннар санаалар
Чолбонн.ору кытары,
Сырыстыннар кинилэр
Сындыыстары ситээри.
Дьаам ата дьэ тохтоото,
Чуораан эмиэ нуктаата.
Мин санаам аралдьыйда,
Сцена быыһыныы уларыйда.
Дорооболоруҥ, бааһынайдар,
Доҕотторум — колхозтаахтар.
