Page 90 - Иван Мигалкин Аныыбын иһирэх иэйиибин
P. 90
ДОҔОР САЛ Л ААТЫ М ТАПТЫЫ РЫН
БИЛЭ-БИЛЭҔИН...
Доҕор саллаатым
Таптыырын билэ-билэҕин
Түүннэри атаараҕын
атын эр киһилиин...
Кини тымныынан
аргыйар сүрэҕэр
Харысхала суох
эйигиттэн ылар -
Куба маҥан түөстэриҥ,
Отон курдук уостарыҥ сылааһын,
Этиҥ-хааныҥ бэриммит итиитин,
Эдэр сааһыҥ оргуйар эрчимин...
Санааҕар, дьолломмут үөрүүгүттэн,
Баҕаран үрдээбит имэҥҥиттэн
Кини сүрэҕэ - син биир умайбат...
Оттон мин доҕор саллаатым -
Эн саҥарар саҥаҕыттан,
Тарбахтарыҥ даҕайан ылыытыттан,
Буруйа суох көрбүт харахтаргыттан
Барытын умнан -
Күн күүһэ күүстэнэр,
Кутаа суоһа суостанар...
06.07.78. Благодать д.
88
