Page 193 - Иван Мигалкин Күн таммаҕын ыһыспыт дьылҕалар

гар” былыргы баайдар көмүстээх ыныырдарын, симэхтэ-
рин суохтуур” эҥин диэн курдуктар. Сергей саха маҥнай-
гы суруйааччыларын А.Е.Кулаковскай—Өксөкүлээх
Өлөксөй, А.И.Софронов, Н.Д.Неустроев, П.А.Ойуунускай
иннилэрин быһа хаампатах, кинилэргэ, мин билэрбинэн,
хаһан да туох да дьаралыгы ыйаабатах, бэл диэтэр айдаан-
наах 1928, 1937, 1952 сылларга эрчимнээх, эдэр сэнэх да
кэмигэр, кинилэргэ биир эмэ күлүк түһэрэр санааны эп-
питэ-саҥарбыта биллибэт. Хата ол оннугар саҥарбыттар-
иҥэрбиттэр, сүүрбүттэр-көппүттэр, кинилэри туора да
сотон кэбиспиттэр чиэскэ-бочуокка, аакка-суолга тиксэр
кэмнэрэ баара. Билигин кэлэн, бары кэриэтэ суох буолбут
дьоннору хайыыр да кыах суох. Бары да олорон кэлбит
олохпут буоллаҕа. Сергей бэйэтэ 1937 сыллааҕы репрес-
сияҕа, 1952 сыллааҕы айдааҥҥа улаханнык эриттэрэ сыл-
дьан баран, ырааһа бэрт буолан, босхолонон турар.
Сергей Степанович 1997 сылга төрөөбүтэ 90 сыла туо-
лар. Ол күнү бу саҥа кэмҥэ эрдэттэн тэрээһиннээхтик бэ-
лэмнэнэн, кини үтүөтүн, үлэтин-хамнаһын, айымньыларын
толору сыаналаан, аатын-суолун үйэтитиигэ боччумнаах
дьаһаллары ылар, ханнык эрэ үп-ас ороскуоттаан туран,
бэлиэтээн ааһар ытык иэстээхпит.
... Үөрэх тэрилтэлэрэ урукку тэрээһиннэрин “Васильев-
скай ааҕыыларын” саҥа быһыыга-майгыга, ирдэбилгэ
дьүөрэлээн, өссө кэҥэтэн, дириҥэтэн тэрийиэхтэрэ диэн
баҕа санаалаахпыт, — диэн түмүктэнэр Иван Пирожков
“Өспөт өрөгөй ырыаһыта” ахтыыта.

1995—96 сс.