Page 79 - Норуоттан тахсыбыт талаан

туһунан уруккуттан истэр, билэр этибит. Ол иһин маҥнай саҥа
билсиһиибитигэр толлорбут, ытыктыыр санааттан ыраах соҕус
туттарбыт.
Ити маҥнайгы эрэ күннэргэ этэ. Онтон билсэн истэхпит ахсын
сэһэргэһэр, ким тугу билбитин-көрбүтүн ыйыталаһар, ыраах-чугас
аймахтарбыт, атастарбыт, доҕотторбут тустарынан иллэҥ кэм кө-
һүннэр эрэ кэпсэтиһэр буолан барбыппыт.
Терентий Васильевичтаах даачалара икки дьиэлээҕэ. Биирэ —
тутуллубута балайда буолбут, икки ыал олорор гына тус-туспа
ааннаах, үөһэ кыракый утуйар хостоох, верандалаах. Иккиһэ —
кыракый эрээри саҥатык тутуулаах.
Булуус аттынааҕы хаптаһын дьиэҕэ Терентий Васильевич биир
идэлээҕэ, муосчут, сороҕор кыһыл көмүһүнэн үлэлиир эмиэ биир
биллэр худуоһунньук Дмитрий Иванович Ильин үлэлиирин
өйдүүбүн.
Терентий Васильевич сааһыран эрэр, улахан уҥуохтаах, сахаҕа
сырдык дьүһүннээх, аһыллан бардаҕына кэпсээннээх киһи этэ.
Кини муоһунан кэрэ бэйэлээх оҥоһуктары айбытын кэлин куорат-
тааҕы дьиэтигэр көрдөрөрө. Даачатыгар биирдэ мамонт муоһуттан
түргэн үлүгэрдик сүүтүктээҕэр кыра, ол гынан баран наһаа тупса-
ҕай, сиэдэрэй үс атахтаах чороону оҥорбутун миэхэ бэлэхтээбитэ.
Кэлин, 40 сааспынан эҕэрдэлии кэлэ сылдьан, үс чороон
бэлэхтээбитэ: “Бу обургута Любовь Ивановнаҕа, икки кыралара
кыргыттарга”, — диэбитэ. Улуу худуоһунньук мамонт муоһуттан
оҥоһуктара билигин биһиги дьиэбитигэр күндү мал буолан ту-
раллар, ыалдьыттарбытыгар ити сүдү оҥоһуктары Терентий Ва-
сильевич бэлэҕэ диэн киэн тутта көрдөрөбүт.
Ол кэмнэргэ кини үлэлиир мастарыскыайа Ленин проспегар
Туймаада маҕаһыын утары турар дьиэ үөһэ техническэй мэндиэмэ-
нигэр баара. Мастарыскыайтан эрбэммэтэх мамонт муоһун түһэ-
рэн, мин массыынабар тиэйэн, Ойуунускай уулуссаҕа турар
кыракый механическай сыахха эрбэтэ илдьэрбит, онтон эрбэммити
төгтөрү аҕаларбыт. Урукку кэм ыарахаттарынан Терентий Василье-
вич туттар тэриллэрин, мин саныырбынан, үксүн бэйэтэ, сороҕор
эрэйдэнэн да буолуо, булар быһыылаах этэ. Ол курдук мин стома-
толог идэлээх табаарыстарбытган тиис оҥоһуутугар туттар үүттүүр-
аалар малларын булан биэрдэхпинэ, наһаа астынара, үөрэрэ.
Терентий Васильевичтаах даачаларыгар олорор кэммитигэр
ыалдьыттыы, сэһэргэһэ народнай суруйааччы Амма Аччыгыйа,
аатырбыт фотокорреспондент Еремей Порядин уонна сэриигэ
бииргэ сылдьыбыт арахсыспат доҕоро, биллиилээх юрист, кэлин
Саха Республикатын Верховнай Суутун Председателинэн үлэлээ-
бит Анатолий Андрианов кэлэн баралларын өйдүүбүн.