Page 81 - Норуоттан тахсыбыт талаан

рын, туттар тэрили хайдах оҥостубутун кэпсээн, үлэлэрин
көрдөрө-көрдөрө бэрт элбэҕи сэһэргиирэ. Миигиттэн эдэр
муосчуттар тустарынан итиэннэ Худуоһунньуктар союзтарыгар
туох сонун баарын ыйыталаһара.
Т.В.Аммосов мастарыскыай ылбакка, кэлин дьиэтигэр үлэлиир
буолта. Ити кэмнэргэ Терентий Васильевич доруобуйата мөлтөөн,
ыарытыйан киирэн барбыта. ЬСини 72 сааһыгар сылдьан, Репин
төрөөбүт сиригэр, Чугуев куоракка, персональнай быыстапкатын
туруора барарыгар миигин көмөлөһөөччүнэн ылбыта. Биһигини
музей коллектива олус үчүгэйдик көрсүбүтэ. Чугуевка Репин ааты-
нан мемориальнай музей директора Галина Андрусенко тус бэйэ-
тинэн арыаллаабыта. Манна Терентий Васильевич, төһө да ыарый-
дар, сүргэтэ олус көтөҕүллэн, үөрэн-көтөн, өрүү дьээбэ-хообо,
күлүү-оонньуу аргыстаах сылдьыбыта. Аҕа дойду сэриитин ге-
ройдарыгар аналлаах күох аллеянан күҥҥэ иккитэ ааһарбыт. Онно
Терентий Васильевич фроҥҥа сырыыларын сэһэргиирэ, ханнык
да ыарахан түгэҥҥэ саха киһитэ олоххо ордук тардыстарын, өлөр-
тиллэр түгэн тирээтэҕинэ, өйүгэр өй, күүһүгэр күүс-уох эбиллэрин
этэрэ.
Тиийдэхпит төрдүс күнүгэр быыстапкабыт аһыллыбыта. Терен-
тий Васильевич үлэлэрэ: шкатулкалар, саахыматтар, чорооннор,
араас рельефтэр, эҥин бэйэлээх чочуонай оҥоһуктар барыта тоҕус
витринаҕа туруоруллубуттара. Быыстапка аһыллыытыгар Харьков
уобалаһын Худуоһунньуктарын союһун председателэ Виктор Чаус
үс худуоһунньуктаах кэлбит этэ, маны тэҥэ Харьковка үөрэнэр
саха студеннара уонча буолан кэлэн биһигини соһуппуттара. Быыс-
тапкаҕа сэрии ветераннара элбэхтэрэ.
Аһыллыы церемониятын бүтэһигэр Т.В.Аммосов оһуокай этэн
доллоһутта. Оһуокайга баар дьон барыта киирдэ. Быыстапкалыыр
дьиэбит саҥардыллыбыт таҥара дьиэтэ буолан, акустиката сүрдээх.
Онон ордук табылынныбыт. Киэһэ музей үлэһиттэриниин кыт-
тыгас банкет тэрийбиппит. Онно сахалыы, нууччалыы, украина-
лыы ырыа арааһын ыллаан, хомус тардан үтүөкэн үөрүүлээх
бырааһынньыкка кубулуйбута. Чугуев олохтоохторо оҕонньор
сэһэнин-сэппэнин, ырыатын-тойугун истэннэр, үлэтин көрөннөр
сөхпүттэрэ-махтайбыттара, кини чахчы да Репин аатынан Россия
Государственнай бириэмийэни ылыан ылбытын толору итэҕэй-
биттэрэ. Биһиги үөрүүбүт үс халлааҥҥа тиийэн төннүбүппүт.
Кэлин дьиэтигэр хаста да сылдьыбытым. Терентий Васильевич
Л.И.Брежневкэ Г.И.Чиряев сакааһынан алмаастаах чороону хайдах
оҥорбутун туһунан бэрт элбэҕи кэпсээбитэ. Хаартыскатын бэлэх-
тээбитэ. Онтон сиэттэрэн Терентий Васильевич Риганан, Москва-
нан фарфор заводтарынан сылдьыталаабытын, фарфор чороон-