Page 10 - Иван Мигалкин. Сүрэхтэн саҕыллар санаалар

Эһигинэ суох өрүү чуҥкукпун, соҕотохпун —
Тыллыбатах ньургуһуннаах сааскыбын,
Күөрэгэй уруйдаабат сайынабын...
Үөһэ ааттаабыт сахам суруйааччыларыттан Эллэйдиин бил-
сиһиим төһө да кылгас кэм буоллар, тус бэйэм кэтээн көрүүбүнэн,
Эллэй элбэх доҕотторуттан мин биир дойдулаахтарбын: Сергей
Васильевы, Виктор Алданскайы, фольклорист-учуонай Инно­
кентий Пуховы уонна биллэр суруйааччылартан Николай Габы-
шевы ордук чугастык саныыра. 1973 сыллаахха Литературнай
институкка биллиилээх саха суруйааччыта Н.А. Габышев — 51,
оттон мин — 19 сааспар үөрэнэ тиийбиппит. Николай Алексее­
вич Сергей Васильевтыын, Эллэйдиин тиһигин быспакка суруй-
сара, кинилэр хоһоонноруттан нойосуус билэрэ. Н.А. Габышев
мин хоһооннорбун өрүү көрөрө, ырытара, онно үксүгэр кинилэр
айымньыларыттан холобурдуура. Николай Алексеевич улахан
суруксут, энцикпопедическай билиилээх-көрүүлээх, үрдүк куль-
туралаах киһи этэ. Кини Эллэйгэ мин туспунан туох эрэ үчүгэйи
суруйбут буолуохтаах, ол да иһин буолуо, Эллэйдиин биир тылы
айах атан кэпсэтэ, кини тыыннаах бэйэтин хаһан да харахтаан
көрө иликпинэ, Эллэй миэхэ маннык ис хоһоонноох эҕэрдэ ак-
кырыыкканы ахсынньы 23 күнүгэр 1973 сыллаахха ыыппыта:
«Ваня! Эйигин Саргылаах Сада 1974 сылынан итиитик э?эрдэ-
лиибин! Үөрэххэр, айар үлэ$эр туйгун ситиһиилэри ба$арабын!
Эн хоһооннорун, миэхэ суохтар. Черновиктаргыттан үрүн,эр
таһааран «Хотугу супуска» ыыт. Э$эрдэни кытта Эллэй.
23.XII. 1973».
Эллэй бу эҕэрдэтин кэнниттэн сотору Москваҕа, онтон Иркут-
скайга көрсүспүппүт. Эллэй курдук саха тылын чулуу маастара
эдэр хоһоонньуттары кытта бэйэтинэн билсиһиитэ — оччотооҕу
саха суруйааччылара эдэрдэргэ үтүө сыһыаннарын, кинилэр эт-
тэригэр-хааннарыгар иҥэриммит үрдүк культураларын, дууһала-
ра баайын, ырааһын көрдөрөр.
1974 сыл сааһыгар Эллэйтэн хоһоонунан эҕэрдэ кэлбитэ:
«Күндү нойоон Ваня! Эйигин 1 Маайынан уонна Кыайыы күнүнэн
истинник э$эрдэлиибин!
Аан дойду поэзиятын
Алмаас кылаатын бас билиий,
Саха ырыатын хайатын,
Парнас чыпчаалын дабайыый,
Хотугу кыраайбыт халлаанын
Уоттаах сулустуу сандаардыый!
Эн убайын, Эллэй».
6