Page 8 - Иван Мигалкин. Сүрэхтэн саҕыллар санаалар

битим оскуолаҕа да, Бүлүүтээҕи педучилищеҕа да, бэл билигин,
үөрүүлээх бары малааһыннарга да олус кыбыһыннарар... Киһи
барыта сирэйдиин-харахтыын сырдаан, үөрэ-көтө ыллыыр, оттон
мин ала тураах буоламмын, ойуччу олорон хаалабын.
Ол гынан баран, ким да суоҕар, бэйэм-бэйэбэр:
Хаар-хаар хаачыргыыр,
Халлааным халынна,
Тап-тап табыйан,
Табаккам, айаннаа!

Мах-мах маҥхаҕар
Баай кыраай манньыата,
Кып-кып кылбаҕар
Кыраһам көмүһэ.
Чох-чох харанан
Чоҕулуччу көрөн,
Күп-күөх кыраайым
Көлөтө буолаахтаан,
— диэн саҥа таһаарбакка, өйбүнэн-сүрэхпинэн ыллыыбын.
Бу «Таба» бар дьон сүрэҕэр хаһан да умнуллубат ырыа буо-
лан айыллыбыт үтүөкэн хоһоонун Эллэй баара-суоҕа 22 саастаа-
ҕар, 1926 сыллаахха, суруйбут. Хайыы-үйэ 68 саастаах «Таба»
хоһоон хаһан да кырдьыа, эргэриэ суоҕа, онтон кинини кытта
саастыы мин ийэм — сылын ахсын бары ыарыыта, дьарҕата
көбөн, кырдьан иһээхтиир. Ийэлэр ырыа курдук уһун үйэлээх
буоллуннар даа!

3. Сүрэҕи ытатар-ыллатар...
Кэрэ куоластаах ырыаһыт:
Чох хара түүммүт уһунун!
Силлиэ тыал көтөр, сүүрэр,
Муус кырыа дьиэбит оһоҕун
Уотун тыал саба үрэр...
Хардаҕас маспыт баранна...
Уо, аҕам хаһан кэлиэй?
Балаҕан, тымныы, хараҥа —
Ким маһы таһан биэриэй?
...Итинэн оһох чанчыгар
Мин ийэм ыллаан бүттэ,
Утуктаан эрэр хараҕар
Төлөнтөн сырдык түстэ.
4