Page 46 - Оло5у таптаа Реас К

кэллэ. Уолуйан хааламмыт, эчи, быһааран да көрбө-
түбүт. Тыа иһиттэн улуу күтүр соҕотохто субу кыта-
рыс гына түстэ да, сабыс-саҥа сэрбэччи улаатан
эрэр күөх чэчири үнтү сынан бирдьигинээн кэлэн,
били талах чыычааҕын уйатын үрдүнэн ааста. Ол
баҕайы тыаһа ырааппытын кэннэ «һуу» диэммит,
доҕорбутугар бардыбыт. Уу, дьэ!.. Чэ, кэбис, ити
хааллын. Ынырыга, ыара бэрт,— күөрэгэй эмиэ өрө
тыынан ылла. Онтон арыый уоскуйан барда.— Биһн-
ги да аҕыйах хонугунан...— Күөрэгэй харалааҕынан
соппут курдук харахтарыттан сырдык таммахтар
таммалаталыы түһэн ыллылар.— Оҕолорбут барах-
саттар... ас көрдөөннөр, уйабытыгар кэллэрбит эрэ,
айахтарын ата тоһуйаахтыыллара. Биһиги иккиэн
аһыҥа бөҕөнү тас да тас буолабыт. Аһыҥа дэлэй
этэ. Арай, биир күн алаас иһигэр тыас-уус бөҕө
ньирилии ньиргийэн биэрдэ. Ыраахтан көрдөхпүтүнэ,
дьиэ саҕа баҕайы, туох эрэ сэптэр алааһы биир гына
төттөрү-таары сүүрэкэлээтилэр. Биһиги куттанаммыт
ити күн оҕолорбутун аанньа аһаппатыбыт. Онтон
сарсыарда эрдэ туран, оҕонньорум ас таһа баран
хаалла уонна бэрт сотору хас да аһыҥаны холбуу
ытыран кэллэ. Оҕолорбут айахтарыгар быраҕаттаан
биэрдибит. Кэргэним этэр: «Онно аһыҥа бөҕө сытар.
Баран аҕала охсуохха». Бардыбыт. Кырдьык, аһыҥа
бөҕө өлө сытар эбит. Биһиги өрүсүһүү буолла. Оҕо-
лорбут түккүлүөхтэригэр диэри аһат да аһат. Арай,
оҕолорум хайдах эрэ муода баҕайытык туттан бар-
дылар. Мин дьиктиргээтим. Сүрэҕим ытырбахтаата.
«Эн бар, аһаа, мин манна тохтуу түһүүм. Оҕолорбут
туох эрэ буоллулар»,— диибин. Доҕорум баран
хаалаахтаата.
Сотору соҕус буолан баран, оҕолорум, кынатта-
44