Page 81 - Саха дьахталларыттан бастакы журналистка Мария Гаврильевна Бурцева

Кыыһа хомсомуол Кээтэ
Бэлиитикэни ырытар,
Элбэх үгүс үлэтэ
Эдэр ыччаты сайыннарар

Саҥа олох ньиргийэр
Сайдар суолу биэрэр
Алааппыс батараак барыах,
Артыал чилиэнэ буолуох.

М.Г.Бурцева сырдык кэриэһигэр

Саха АССР Государственнай издательствотын редактора, 1932
сыллаахтан БСК(б)П чилиэнэ, бэчээт кырдьаҕас үлэһитэ Мария
Гаврильевна Бурцева эдэр сааһыгар эмискэ ыалдьан, сэтинньи 9
күнүгэр сарсыарда өлөн биһиги кэккэбититтэн туораата.
Мария Гаврильевна 1910 сыллаахха Уус-Алдан оройуонугар Хоро
нэһилиэгэр төрөөбүтэ. Оҕо эрдэҕиттэн общественнай-политическай
үлэҕэ актыыбынайдык кытган барбыта.
1928 сыллаахтан ЫБСЛКС чилиэнэ, 1932 сыллаахтан БСК(б)П
чилиэнэ, 1928—1932 сылларга Дьокуускайдааҕы советскай-партий-
най оскуоланы үөрэнэн бүтэрбитэ. 1935—1938 сылларга Москва куо-
ракка журналистар “Правда” аатынан Бүтүн Союзтааҕы институт-
тарыгар үөрэммитэ. 1939 с. Саха АССР государственнай издатель-
ствотыгар оҕо литературатын редакгорынан үлэлээбитэ.
Мария Гаврильевна үлэни олус таптыыра, ханна үлэлээбит си-
ригэр куруутун холобурунан буолара, уус-уран литератураҕа саха дьах-
талларыттан аан-бастакынан киирбитгэртэн биирдэстэрэ этэ.
Ийэ дойдуга, норуокка, Ленин-Сталин улуу дьыалатыгар муҥура
суох бэриниилээх үөлээннээх үтүө доҕорбут Мария Гаврильевна
сырдык кэриэһин хаһан да умнуохпут суоҕа.

С.Ковлеков, С.Сидорова, Г.Федоров, С.Никифоров, В.Прото­
дьяконов, А.Халыев, А.Мигалкин, В.Алексеев, А.Тимофеева, С.Том-
скай, А.Бярияк, А.Неустроева, С.Саввин, В.Карамзина, П.Говоро-
ва, С.Кылатчанов, Н.Мординов, А.Абагинскай, С.Кулачиков,
Н.Жерготов, М.Кузьмин, Ф .Ефимов, С.Васильев, К.Охлопков,
М.Бурцева уонна да атытгар.
Кыым. — Сэтинньи 12 күнэ. — 1946.

79