Page 76 - Саха дьахталларыттан бастакы журналистка Мария Гаврильевна Бурцева

— Мин үөрэттэрэр кыаҕа суох эмээхсиммин, — диэтэ эмээхсин
уонна туту да диэҕин булбакка кыыһын диэки көрбөхтөөтө, онтон
хотуҥҥа туһаайан:
— Оттон ити оҕонньорум кэпсэппит дьонноро үөрэттэрбэт буол-
лахтарына, оҕом бэйэтэ билиэ буоллаҕа дии.
— Биһиги кинини босхо үөрэттэрбэппит. Биир кыһын олорон
эһиги ынаххыт этин иккитин саҕаны сиэбитэ буолуо. Оҕонньоруҥ
быйыл арыы биэрэн үөрэттэриэх буолбута.
— Былырыын, оҕо көрдөрөн кыстатан баран, ынаххыт төлөбүрүгэр
эһиил үөрэттэриэхпит диэн эһэбэр эппитэ, — диэн кыыс эмискэ
баҕайы этэн “чап” гыннарда.
— Мин итини эмиэ билэбин, Марыыҥка кырдьыга, — диэтэ
эмээхсин.
Хотун наһаа кыыһырда, сирэйэ чоххо баттаабыт курдук кытаран
хаалла, ордук чобуо тыллаах кыыска абарда, баран баттаҕыттан со-
һуон санаата да, эдьиийиттэн куттанна.
— Ити кымырбыт сымыйалыы олордоҕун, эн эһэҕэр биһиги эйи-
гин босхо үөрэттэриэх буолбуппут дуо? Төгүрүк сыл босхо аһаан
баран сымыйалыы олордоххуон! Киэр бар, субу бүгүн ити дьахтар
киэр тын! — диэтэ хотун, иһигэр оҕо көрөр үлэһитэ барарын сөбүлээ-
бэтэр да өчөһүттэн.
Ити курдук ханыр-кунур кэпсэтиилэр кэннилэриттэн Марыыҥка
Катялаахха оҕо буола барарын эмээхсин сөбүлээн, бу күн “көһөн”
барыах буоллулар. Марыыҥкаҕа оскуолаҕа киирэр суол тэлэлиннэ.

74