Page 29 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

СЭРИИ САҔАЛАНЫЫТА.
ОРОЙУОН ҮЛЭҺИТТЭРЭ ИЙЭ ДОЙДУ
КӨМҮСКЭЛИН ИҺИН ТУРУНУУЛАРА

Фашистскай Германия Сэбиэскэй Сойууска 1941 сыллаах-
ха бэс ыйын 22 күнүгэр сэриинэн эмискэ саба түспүтэ.
Ити күн коммунистическай партия уонна Сэбиэскэй бы-
рабыыталыстыба, Сэбиэскэй Сойуус норуоттарын олоҕор ула-
хан куттал суоһаабытын бэлиэтээн туран, Ийэ дойду чиэһин
уонна көҥүлүн иһин, фашистскай талабырдьыттар утары Аҕа
дойдуну көмүскүүр улуу босхолонуулаах охсуһууга турунарга
Сэбиэскэй норуоту бүттүүнүн ыҥырбыттара.
Сэбиэскэй Сойуус бары норуоттара ити ыҥырыынан
күүрдүллэн туран, немецкэй-фашистскай талабырдьыттар сэ­
риинэн сидьиҥник саба түһүүлэрин улаханнык абаран-сатаран
көрсүбүттэрэ, төрөөбүт Ийэ дойдуну көмүскүүргэ бэлэмнэрин
эппиттэрэ. Сэбиэскэй Сойуус бүтүннүүтүн устун үлэһиттэр
элбэх киһилээх миитиннэрэ, мунньахтара буолбуттара, онно
кинилэр Фашистскай Германия сидьиҥ сэриитин утары мо-
дун бырачыас куолаһын көтөхпүттэрэ, төрөөбүт Ийэ дойдуну
туруулаһан туран көмүскүүргэ быһаарыммыттара, Аҕа дойду
көмүскэлин иһин коммунистическай партия Сэбиэскэй быра-
быыталыстыба тула ыга түмсүүлэрин уонна толору бэрини-
илээхтэрин көрдөрбүттэрэ.
Биһиги оройуоммут үлэһиттэрэ, Сэбиэскэй Сойуус бары
норуоттарын курдук, бэйэлэрин элбэх киһилээх миитиннэ-
ригэр, мунньахтарыгар мустан олороннор, немецкэй-фаши­
стскай талабырдьыттар сэриилэрин утары улаханнык уор-
дайыыларын, Ийэ дойдуну көмүскүүргэ куруук бэлэмнэрин
көрдөрбүттэрэ.
Тэбиик нэһилиэгин бары холкуостарыгар 1941 сыллаах
бэс ыйын 23 күнүгэр 290 холкуостаахтар фашистскай Герма­
ния бандьыыттара Сэбиэскэй Сойууска сэриинэн саба түспүт-
тэрин туһунан иһитиннэриини бэйэлэрин миитиннэригэр
25