Page 24 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

на ылыллыбыта. Устаап холкуостар олохторун төрүт Сокуону-
нан буолбута.
Оройуон холкуостара тыа хаһаайыстыбатын артелын
примернай Устаабын ылыныылара холкуостаахтар полити-
ческай, трудовой активностарын улаханнык өрө көтөхпүтэ,
социалистическай куоталаһыыны уонна Стахановскай хамсаа-
һыны күүһүрпүтэ. 1936 сыллаахха Москубаҕа буолбут сүөһү
иитиитин үлэһиттэрин Бүтүн Сойуустааҕы сүбэ мунньаҕар
“Баһымньы” холкуос бэрэссэдээтэлэ т. Павлов П.М. сылдьы-
быта. 1937 сыллаахха 942 ударниктар, 333 стахановецтар
үүнэн тахсыбыттара. Саха АССР 15 сыла туолуутун көрсө
үрдүк производственнай көрдөрүүлэри ситиспиттэрин иһин
“Баһымньы” холкуос бэрэссэдээтэлэ т. Павлов П.М. уонна
“Кыччыма” холкуос доярката Олесова И.Д. “Знак Почета”
уордьанынан, отгон т.т. Алексеев П.Р., Гоголев И.И., Петухов
Р.П., Ябловскай М.Н., Колодезников Н.З., Говорова М.М. уон­
на Аммосов М.А. “Саха АССР 15 сыла” значогунан наҕараа-
даламмыттара.
Тыа хаһаайыстыбатын артыал примернай Устааба уонна
холкуостар сирдэрин саас-үйэ тухары туһанарга сыһыарыы
холкуостары тэрилтэ-хаһаайыстыба өттүнэн бөҕөргөтүүгэ,
холкуостарга үлэ тэрээһинин уонна төлөбүрүн тупсарарга,
холкуостар общественнай хаһаайыстыбаларын сайыннарарга
улахан суолталаах буолбута. Оройуон холкуостарын дохуотта-
ра 1934 сыллаахха тэҥнээтэххэ 1937 сыллаахха 2,5 төгүл үүм-
мүтэ, эбэтэр 6375042 солк тиийбитэ. Холкуостар тыа хаһаа-
йыстыбатын бородуукталарын судаарыстыбаҕа туттарыыга
соҕотох 1937 сыллаахха 2624,1 центнер эти, 451,9 центнер
арыыны, 845,4 центнер үүтү, 375,8 туонна сиэмэни биэрбит-
тэрэ. Ити сылга үгүс холкуостар үлэ күнүгэр өлгөм дохуоту
үллэстибиттэрэ. II Өспөх нэһилиэгинээҕи “Сардаҥа” холкуос
чилиэнэ И.Г. Белолюбскай хаһаайыстыбата 1066 үлэ күнүн
аахсыбыта, онно 67,8 кг эти, 85 кг арыыны, 246 буут бурдугу,
265,1 кг оҕуруот аһын, 14,5 туонна оту уонна 850 кг сиилэһи
дохуотугар ылбыта. Хоро нэһилиэгэр “Кыһыл агроном” хол­
куос чилиэнэ И.Г. Копырин 704,23 үлэ күнүн аахсан 86,66 кг
эти, 56 кг арыыны, 222 буут бурдугу, 512 кг оҕуруот аһын, 23
туонна оту дохуотугар ылбыта.
1937 сыл бүтүүтүгэр биһиги оройуоммут бааһынайдарын
сүрүн маассата холкуостаммыта социалистическай общество-
20