Page 35 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

күннээҕи нуорматын 210% толорбута, II Байаҕантай “Кыһыл
Танда” 70 саастаах кырдьаҕас чилиэнэ Ф.Т. Орлов аҕыйах хо-
нук иһигэр 25 сыарҕа оту оттоон холкуоска туттарбыта. Ити
уруккутааҕар ордук үлэлээһин үгүс холобурдарыттан биир-
дэстэрэ буолар.
Сэрии бастакы күнүттэн бары холкуостар, тэрилтэлэр
бэйэлэрин үлэлэрин байыаннай майгыга түргэнник уларыта
туппуттара, уруккутааҕар ордуктук үлэлээбиттэрэ, Найахы
“Кыһыл Буксуур”, I Байаҕантай “Кыһыл Танда”, II Бэрт-Ууһа
“Кыһыл түмсүү” Баатаҕай Маркс аатынан о.д.а. оройуон 15
холкуостара эт уонна үүт, арыы госпостановкатын 1941 сыл-
лааҕы былаанын өссө от ыйын 20 күнүгэр толорбуттара уонна
1942 сыл суотугар авансанан туттарыыга киирбиттэрэ. Онон
ити бырыһыан оройуон үрдүнэн арыы госпостановкатын сыл-
лааҕы былаана 73,4%, эт - 89,0% толоруллубута.
Тэбиик Маркс аатынан холкуос холкуостаахтара III пяти­
летка 4 сылын заемугар 3370 солк суруммуттарын от ыйын 12
күнүгэр 100% төлөөбүттэрэ. Энгельс аатынан холкуос бэрэс-
сэдээтэлэ т. Н.Р. Рожин 1000 солк суруппутун эмиэ ити бири-
эмэҕэ олоччу төлөөбүттэрэ. Найахы нэһилиэгин III пятилет­
ка 4 сылын заемугар 33615 солк суруммутун оттон “Кыһыл
Маяк” холкуос чилиэннэрэ 11210 солк суруммуттарын атыр-
дьах ыйын 15 күнүгэр 100% төлөөн бүтэрбиттэрин, итинник
патриотическай холобурдар маассабай буолбуттара. Онон
оройуон үлэһиттэрэ сэрии бастакы күнүттэн улахан патриоти­
ческай орө көтөҕүллүүнү көрдөрбүттэрэ, байыаннай бириэмэ
көрдөбүлүгэр сөп түбэһиннэрэн үлэлэрин уларыта туппуттара,
икки-үс төгүл таһаарыылаахтык үлэлээбиттэрэ.
Оройуон үлэһиттэрэ, бэйэлэрин үлэлэрин байыаннай
бириэмэ көрдөбүлүгэр сөп түбэһиннэрэн уларыта тутан ту-
раннар, төрөөбүт Ийэ дойдуларын дьылҕатыгар уһулуччу
кыһамньыны уурбуттара, Кыһыл Аармыйаҕа туох наада буо-
ларынан көмөлөһөргө быһаарыммыттар.
Оройуон үлэһиттэрэ Сэбиэскэй Сойуус бүтүннүүтүн
устун киэҥник тэнийбит Оборона фондатын тэрийиини би-
риэмэтигэр иилэ хабан ылбыттара. Оборона фондатыгар үбү
хомуйууну атырдьах ыйын ортотугар саҕалаабыттара. Үгүс
тэрилтэлэр, холкуостар аҕыйах хонук иһигэр улахан үлэни
ыыппыттара.
Оборона фондатыгар үбү хомуйууга бастакы 10 хонук
31