Page 37 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

бардаабыт куттал дириҥин үчүгэйдик өйдөөн, сэрии бастакы
күннэриттэн төрөөбүт Ийэ дойдуларын көмүскүү барарга
быһаарыммыттара. Өссө сэрии бастакы күннэригэр Кыһыл
Аармыйаҕа ыыфтарга 100-кэ көрдөһүүлэр киирбиттэрэ. При-
зывниктар Н. Бурцев, Д. Протопопов, Н. Шаповалов о.д.а. бай-
ыаннай эбээһинэстээхтэр Колобов, Курилкин, Олесов о.д.а.
Ийэ дойду төлөннөөх патриоттара фроҥҥа барарга көрдөспүт-
тэрэ.
“Фашистскай ороспуонньуктар биһигини халаары-та-
лаары киммит бириэмэлэригэр, маннык тыҥааһыннаах
быһыыга-майгыга мин тыылга хаалыахпын баҕарбаппын,
мин фроҥҥа баар буолуохтаахпын, фашистскай ньэгэйдэри
үлтү охсуохтаахпын, Социалистическай Ийэ дойду модьуйар
буоллаҕына, мин олохпун да харыстаабаппын”” - диэн при­
зывник Андросов Сэбиэскэй Аармыйа кэккэтигэр көрдөспүтэ.
Ити элбэх патриоттар - чулуу уолаттар көрдөһүүлэриттэн
биирдэрэ буолар.
Биһиги оройуоммутугар өссө сэрии бастакы ыйдары-
гар 1941 сыллаах сайын 3-4 төгүл байыаннай учебнай сбор-
дар ыҥырыллыбыттара. Ити сбордар түмүктэрэ байыанай
эбээһинэстээхтэр, призывниктар сбордарга аккуратнайдык
кэлиилэрин, дисциплиналара үрдүгүн көрдөрбүттэрэ. Ити
сбордар түмүктэригэр биһиги оройуоммут 564 бэйэтин чулуу
уолаттарын — Ийэ дойду төлөннөөх патриоттарын фроҥҥа,
Кыһыл Аармыйа кэккэтигэр ыыппыта. Ити байыаннай учеб­
най сбордар оройуон үлэһиттэрэ бүттүүннэрэ уһулуччу тэрил-
лиилээхтэрин, төрөөбүт Ийэ дойдуларын көмүскэлигэр толору
бэриниилээхтэрин, коммунистическай партия уонна Сэбиэс­
кэй бырабыыталыстыба тула ыкса түмсүүлэрин көрдөрбүт-
тэрэ. Кыһыл Аармыйа кэккэтигэр ыҥырыллыбыт дьоннор
төрөппүттэрэ уонна аймахтара улаханнык үөрэн-көтөн ту-
раннар кинилэри Кыһыл Аармыйаҕа атаарбыттара. “Биһиги
оҕолорбутун Сэбиэскэй былаас ииппитэ. Кинилэр бэйэлэрин
ытык эбээһинэстэрин аҕа дойдуну көмүскүүр Улуу сэрии-
гэ толоруох тустаахтар. Билигин биһиги уолбутун Николайы
“Туйгуннук үөрэн уонна танкист буол” диэн этэн атаарыах-
таахпыт” диэн призывник Н. Бурцев ийэтэ Евдокия уонна эбэ-
тэ Мария кинини аармыйаҕа атааралларыгар эппиттэрэ.
Оройуон үлэһиттэрэ, бэйэлэрин чулуу уолаттарын
төрөөбүт Ийэ дойдуларын көмүскэлигэр, Сэбиэскэй Аармыйа
29