Page 65 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

пионердар ордук тэриллиилээхтик үлэлээбиттэрэ. I Лөгөй Ле­
нин аатынан холкуоска 10 оҕолоох школьнай этэрээт (салайа-
аччы Н. Ушницкай) 64 гектар сирин муспута. 13 саастаах Костя
Копырин 48 гектар сири муспута. Г. Борисов И. Копырин эмиэ
таһаарыылаахтык үлэлээбиттэрэ. Баатаҕай Маркс аатынан
холкуостааҕы школьнай этэрээт (салайааччы Н. Тарскай) 44
гектар сирин оттообута.
Ыччаттар бурдук хомууругар эмиэ үчүгэйдик үлэлээ-
биттэрэ. Найахы “Кыһыл Сардаҥа” холкуос комсомольскай
тэрилтэтин сэкирэтээрэ Ирина Гоголева күҥҥэ 500 түүтэҕи
баайарын оннугар 1009 түүтэҕи баайан күннээҕи нуорматын
200% толороро, 3,29 үлэ күнүн аахсарга. Ыччаттар бааһынаҕа
тохтубут сиэмэни хомуйар бригадалары тэрийбиттэрэ. Маркс
аатынан холкуоска 12 оҕолоох бригада 120 кг, “Кыым” холку­
оска 10 оҕолоох бригада 150 кг тохтубут сиэмэни ичигсэтээн
хомуйбуттара.
Сэрии кэнники сылларыгар ыччат үлэтэ өссө киэҥник тэ-
нийбитэ. 1944 сыллаахха Найахы “Кыһыл Сардаҥа” холкуос
комсомоллара, ыччаттара республика бары комсомолецта-
рыгар, ыччаттарыгар ыҥырыы таһаарбыттара. Кинилэр 1944
сыллаах сайын 650 туонна оту оттуурга, 20 туонна хомуһу хо-
дуйарга конкретнай эбэһээтилистибэ ылыммыттара. Оройуон
ыччаттара, “Кыһыл Сардаҥа” ыччаттарын ыҥырыыларын ки-
эҥник өйөөн тураннар, от үлэтигэр үрдүк өрө көтөҕүллүүлээх-
тик үлэлээбиттэрэ. От үлэтигэр оройуон холкуостарыгар 27
ыччат звенолара, 4 школьнай отрядтар тэриллибиттэрэ, онно
628 оҕолор хабыллыбыттара. “Кыһыл Сардаҥалар”, туох хан-
нык иннинэ, бэйэлэрэ эппит тылларын толорбуттара. Маркс
аатынан, Калинин аатынан, “Кыһыл кэккэ” уо.д.а. холкуостар-
дааҕы ыччат звенота ордук таһаарыылаахтык үлэлээбиттэрэ.
1944-45 сыллаах кыһын 106 ыччаттар 2112 ынах сүөһүнү си-
эптэһэн көрбүттэрэ.
Сэрии сылларыгар кырдьаҕастар бэйэлэрин ор сыллаах
уопуттарын тарҕаппыттара, улахан таһаарыылаахтык үлэ-
лээбиттэрэ. I Бэрт-Ууһун Киров аатынан холкуос кырдьаҕас
сүөсүһүтэ т. Бурцева У П. 8 сыл устата 156 ньирэйи тыыннаах-
тыы иитэн холкуоска туттарбыта. I Курбуһах Молотов аатынан
холкуос 80 саастаах кырдьаҕас холкуостааҕа В. Местников 14
сыл устата сылгы иитиитигэр үлэлээбитэ. 1944 сыллаахха 819
үлэ күнүн аахсыбыта. “Кыһыл агроном” чилиэнэ, кырдьаҕас
57