Page 63 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

наҕараадаламмыта. Кини итинник көрдөрүүлэри 1944 сыл-
лаахха эмиэ ситиспитэ. Ол кыайыыларын иһин т. Федорованы
ССРС сирин оҥоһуутун Народнай Комиссариата 1945 сыллаах
атырдьах ыйын 25 күнүнээҕи 353 №-дээх Прикаһынан “Соци-
алистическай тыа хаһаайыстыбатын туйгуна” диэн значогунан
наҕараадалаабыта.
“Бэйдиҥэ” холкуос доярката т. Говорова М.М. 2622 ли-
итэрэ үүтү хас биирдии симментальскай боруода ынатан ыла-
ры ситиспитэ. Олесова аатынан холкуос доярката Бурцева
У.П., “Кыһыл Сардаҥа” холкуос доярката т. Неустроева У.В.,
“Кыһыл кэккэ” доярката т. Охлопкова М.Н. уо.д.а. бэйэлэрин
кыайыылаах үлэлэрин оройуоҥҥа эрэ буолбакка республикаҕа
даҕаны киэҥник биллибиттэрэ. Ити курдук сүүһүнэн ааҕыл-
лар дьахталлар сүөһү иитиитигэр үчүгэйдик үлэлээбиттэрэ.
Кыргыттар өссө сэрии маҥнайгы күннэригэр тракторист
уонна комбайнер идэлэрин баһылаабыттара уонна Кыһыл
Аармыйаҕа ыҥырыллыбыттары солбуйбуттара. 37 кыргыттар,
аҕыйах хонук иһигэр тракторист уонна комбайнер идэлэрин
баһылаан, үрдүк таһаарыылаахтык үлэлээбиттэрэ. Крылова
Варвара Николаевна СХТЗ тракторынан сменаҕа 3,9 гектары
хорутарын оннугар 12,23 гектарга тиийэ хорутан 1941 сылла-
аҕы былаанын 115% толорбута, Винокурова Евдокия Степа­
новна Севернэй комбайынынан 80 гектар оннугар 103 гектары
быстаран нуорматын 129% толортуура. П. Колодезникова, М.
Копырина уо.д.а. ити курдук көрдөрүүлэри ситиспиттэрэ.
Дьахталлар уонна кыргыттар сайын да, кыһын да ханнык
баҕарар үлэни кыайыылаахтык толорбуттара. Түүлээх “Кыла-
айы” холкуоска 1942 сайын илиинэн от охсуутугар 9 дьахтал­
лар үлэлээбиттэрэ. 1 Бэрт-Ууһугар - Киров аатынан холкуоска
Евдокия Бурцева, Марфа Колодезникова сенокосилканан 3,5
гектары оҕустарбыттара. 1 Курбуһах “Кыһыл Хардыы” холку­
оска Г.В. Аммосова, В.И. Местникова 1942-43 сыллаах кыһын
“Дүлүннээх” хотонугар 5-6 км сиртэн 45 сүөһүгэ от тиэйбит-
тэрэ. Үгүс дьахталлар хомус ходуйбуттара, былах быспыттара,
таһаҕас таспыттара.
Үгүс дьахталлар олохтоох промышленность предприятия-
ларыгар үрдүк таһаарыылаахтык үлэлээбиттэрэ. Промкомби-
натка Е.П. Аммосова, А.Н. Шепелева, оттон промкомбинатка
Т.Д. Абрамова, Е.И. Иванова уо.д.а. дьахталлар нуормаларын
200-300% толорбуттара.
55