Page 7 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

КИИРИИ ТЫЛ ОННУГАР

Мин иннибэр аҕам Федоров Евстафий Федорович икки
былыргы массыынканан бэчээттэммит кинигэлэрэ сыталлар.
Бастакы кинигэтэ халыҥ тастаах, баттатыы суруктаах, ончу
кинигэ кинигэтинэн. Иккис кинигэтэ - хортуоҥка тастаах,
кинигэтин аата уруучуканан суруллубут, бастакытааҕар ча-
раас диэххэ сөп. Илииһин сыымайдаатахха былыргы кумааҕы
сыта, историяны сөргүтэрдии киһи мурунугар, сэдэх раритеты
арыйа баттаатым диэбиттии, дыргыйатүһэр, олус суолталааҕы
арыйбыккын аҥардастыы сүрэххинэн сэрэйэҕин.
Бу кинигэлэрин суруйарыгар аҕам Дьокуускайга, нацио-
нальнай архыыпка киирэн, хоно сытан үлэлиирин өйдүүбүн,
элбэх матырыйаалы сыымайдаабыта, хас биирдии тиһилли-
бит этиини ол саҕанааҕы чахчылартан булан киллэрбитэ бул-
гуччулаах. Кини баары баарынан, инньэ Сэбиэскэй Сойуус
үөскүөҕүттэн, өссө Уус-Алдаҥҥа холбоһо илик үс улуустарга
холкуостааһын саҕаланыытын, кулаактары утары охсуһууну
көрдөрбүт этэ. Бастакы үлэтин “Уус-Алдан улууһа Аҕа дой­
ду Улуу сэриитин сылларыгар 1941-1945 с.с.” диэн ааттаан
Уус-Алданнааҕы Райком Сэбиэтигэр көрдөрбүт эбит. 1960
сыллаахха мунньах түмүгүнэн кинигэни брошюра быһыы-
тынан бэчээттэтэргэ быһаарыныы ылыммыттар, историческай
наука учуонайыгар рецензиялатарга дьаһайбыттар. Д.Д. Пет­
ров диэн историческай наука кандидата бу кинигэни ааҕан,
чинчийэн баран сүнньүнэн сопке суруллубут диэн бигэргэп-
пит эрээри, салгыы чочуйарыгар, итэҕэстэри-быһаҕастары
көннөрөрүгэр сүбэлээбит.
Ол иһин аҕам, рецензияны ылынан, иккис кинигэтин, хат-
таан бэчээттээн, туспа кинигэ курдук оҥорон таһаарбыт эбит.
3