Page 93 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

алта ыйын устатыгар 5259 устуука итии таҥас хомуллубута.
Оройуон үлэһиттэрэ сэрии сылларыгар барыта 6980 устуука
итии таҥаһы Кыһыл Аармыйаҕа ыыппыттара. Ити оройуон
үлэһиттэрэ Кыһыл Аармыйа туһунан итии кыһамньыларын,
тыыл фрону кытта сибээһин үчүгэйдик көрдөрбүтэ.
Оройуон үлэһиттэрэ Кыһыл Аармыйа буойуннарыгар
131998 солк сууммалаах продовольственнай подароктары
үс төгүл ыыппыттара. Итини таһынан биирдии буойуттарга
төрөппүттэрэ уонна кэргэттэрэ быыстала суох подарок ыы-
таллара.
Оройуон оробуочайдара, холкуостаахтара, сулууспала-
ахтара, оройуон үлэһиттэрэ бүтүннүүлэрэ сэрии сылларыгар
судаарыстыбаннай байыаннай заемнары тарҕатыыны үрдүк-
түк өрө көтөҕүллүүнэн көрсүбүттэрэ. Оройуон үлэһиттэрэ
оборон судаарыстыбаннай заемнарыгар суруттаран, барыта
5610700 солк биэрбиттэрэ. Ордук үһүс судаарыстыбаннай
байыаннай заем тарҕатыы кыайыылаахтык ыытыллыбыта,
1931400 солк сууммаҕа тарҕаммыта, онон былаан 289,8% то-
лоруллубута. Найахы нэһилиэгин “Кыһыл Сардаҥа” холкуос
бэрэссэдээтэлэ таб. А.Ф. Заровняев, “Кыһыл Буксуур” бэрэс-
сэдээтэлэ И.И. Гоголев, Баатаҕай Молотов аатынан холкуос
бэрэссэдээтэлэ таб Т.М. Слепцов уонна II Бэрт-Ууһа “Кыһыл
кэккэ” суоччута таб. Л.Я. Охлопков биирдии бэйэлэрэ 10 тыһ
солк суруммуттара уонна харчынан тута төлөөбүттэрэ. Итин-
ник бөдөҥ сууммаҕа сурунуу сэрии бириэмэтиэр маассабай
буолбута.
Сэрии сылларыгар харчы-мал лотереяларын тарҕатыы
эмиэ оройуон үлэһиттэрин үрдүк патриотизмнарын көрдөр-
бүтэ. Сэрии бириэмэтигэр лотереялар 587066 солк сууммаҕа
тарҕаммыттара. Харчы-мал лотереятын маҥнайгы таһаарыы-
тыгар БСК(б)П РК сэкэрэтээрэ таб. Данилов П.В. 1100 солк
Орто-Эбэ оскуолатын учуутала таб. Кочкин С.М. 700 солк,
оройуоннай балыыһа бырааһа таб. Попов В.И. 500 солк су­
руммуттара. Ити оройуон үлэһиттэрин үрдүк сознательно-
старын уонна патриотизмнарын саҥа туоһута, Ийэ дойду
финансовай-экономическай кыаҕын бөҕөргөтөргө улахан
кылаатынан буолбута.
БСК(б)П КК уонна ССРС Совнаркома 1943 сыллаах

85