Page 96 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

БИҺИГИ ОРОЙУОММУТ ДЬОННОРО
СЭРИИ ФРОННАРЫГАР

Фашистскай Германия, Сэбиэскэй Сойууска 1941 сыллаах-
ха бэс ыйын 22 күнүгэр сэриинэн эмискэ саба түһэн, кини бары
норуоттарын дьылҕаларыгар улахан кутталы соҥнообута.
Коммунистическай партия фашистскай Германияны ута-
ры норуот бүттүүнүн охсуһуутун боевой программатын ыйан
биэрбитэ. Партия салалтатынан Сэбиэскэй дойду бүтүннүүтэ
биир сомоҕо байыаннай лааҕырга түмсүбүтэ. Сэбиэскэй Сой-
уус бары норуоттара фашистскай талабырдьыттары утары Аҕа
дойдуну көмүскүүр улуу босхолонуулаах охсуһууга туруммут-
тара.
Биһиги оройуоммут үлэһиттэрэ, Сэбиэскэй Сойуус бары
норуоттарын курдук, Аҕа дойдуну көмүскүүр улуу сэриигэ
кыттан, бэйэлэрин төрөөбүт Ийэ дойдуларын көмүскүүргэ
быһаарыммыттара. Өссө сэрии бастакы күннэригэр оройуон
чулуу уолаттара-патриоттара т.т. Н. Прудецкай, П. Оллонов,
А. Громов, И. Охлопков о.д.а. бэйэлэрэ кордөһөн Ийэ дойдуну
көмүскүү барбыттара. Итинник көрдөһүүлэр кэнники да ки-
ирэн испиттэрэ. Оройуон чулуу уолаттара - патриоттара 564
киһи 1941 сыллаах сайын Кыһыл Аармыйа кэккэтигэр ыҥы-
рыллыбыттара. Соҕотох маҥнайгы ыҥырыыга 800 тахса киһи
байыаннай учебнай сборга барбыта. Аҕыйах нэһилиэнньэлээх
аҥардас II Өспөх нэһилиэгэ 27 киһини ыыппыта, Тэбиик Ле­
нин аатынан холкуос 26-50 диэри саастаах эр киһитин 23,53%
ити сайын ыҥырыллыбыта.
Биһиги оройуоммут дьоннор, Саха сирэ ыыппыт атын
дьоннорун курдук, фронт линиятыгар 1941 сыллаах күһүн

88