Page 13 - Кэнчээри ыччат туһугар

СУС.тҮээри ыПам туИугар N

2 0 1 8 с.

Кулун тутар 3 күнүгэр кэрэ айылҕалаах Суотту бөһүөлэгэр аныгылыы тутуулаах саҥа
«Кустук» оҕо тэрилтэтигэр Уус Алдан улууһун оскуолаҕа киириэн иннинээҕи саастаах
оҕолор тэрилтэлэрин бэтэрээн сэбиэдиссэйдэрэ ааспыты ахтыһа-санаһа, кэлэр кэскили
түстэһэ ахсыс сылларын түмүстүлэр. Кэлбит ыалдьыттары «Кустук» оҕо тэрилтэтин
психолога, СӨ үөрэҕириитин туйгуна, РФ уопсай үөрэхтээһинин бочуоттаах үлэһитэ,
СӨ үөрэхтээһин ситимин бочуоттаах үлэһитэ А.А. Белолюбская, өр сылларга бу тэрил-
тэни үтүө суобастаахтык салайан кэлбит, билигин нэһилиэк дьаһалтатын сүрүннүүр
специалиһа, РФ үөрэҕириитин туйгуна Е.Н. Гоголева сахалыы сиэринэн итии үүттээх
чэйинэн, арыылаах алаадьынан үөрэ-көтө көрүстүлэр.
Салгыы бэтэрээннэр иллэҥ кэмнэригэр дьарыктарын көрдөрөр быыстапканы көрүү
буолла. Төһө да сааһырдаллар, ытыктыыр дьоммут таах быар куустан олорботтор. Ол
курдук, Чараҥнааҕы «Кэрэчээн» деткомбинакка өр сылларга таһаарыылаахтык иитээч-
чинэн, сэбиэдиссэйинэн, кэлин Хоро нэһилиэгин исполкомун бэрэссэдээтэлинэн,
Кулантай аатынан литературнай музейга научнай сотруднигынан үлэлээбит, РСФСР
норуотун үөрэҕириитин туйгуна, СӨ култууратын туйгуна К.Г. Бурцева эгэлгэ уруучука,
СӨ үөрэхтээһинин үтүөлээх үлэһитэ, ССРС үөрэхтээһинин туйгуна, улууска үөрэхтээһин
управлениетыгар инспекторынан таһаарыылаахтык үлэлээбит, сэбиэдиссэйдэр түмсүүлэ-
рин салайааччыта Е.Ф. Сивцева харандаас, Майаҕастааҕы «Чуораанчык» оҕо тэрилтэтин
сэбиэдиссэйинэн 32 сыл үлэлээбит, «Улууска үөрэхтээһин сайдыытыгар кылаатын
иһин» анал бэлиэ хаһаайына М.Р. Копырина сүүтүк, РСФСР, СӨ үөрэҕириитин туйгуна
Л.А. Андросова кумааҕыттан хаар кырыйыы оҥоһуктарын коллекциялара, оҕолорго
аналлаах хас да кинигэ ааптара, СӨ үөрэҕириитин туйгуна, РФ уопсай үөрэхтээһинин
бочуоттаах үлэһитэ, Мүрүтээҕи «Сарыал» оҕо тэрилтэтигэр сэбиэдиссэйинэн үлэлээбит
Г.Н. Иванова таһааттарбыт кинигэлэрэ, уруһуйдара, Суоттутааҕы «Чэчир» оҕо тэрилтэ-
тигэр сэбиэдиссэйдээбит, «Улууска үөрэхтээһин сайдыытыгар кылаатын иһин», «Уус
Алдан улууһа социальнай-экономическай сайдыытыгар кылаатын иһин» анал бэлиэлэр
хаһаайкалара Р.Е. Охлопкова талаҕынан оҥорбут оҥоһуктара, хаартыскаҕа түһэриилэрэ,
быысапкалара дьон биһирэбилин ыллылар.
Түмсүү биир дьыалабыай түгэнинэн «Төгүрүк остуол» тула санаа атастаһыыта буолла.
Тэрээһин бочуоттаах ыалдьыттара - өр сылларга үөрэх министиэристибэтигэр кылаа-
бынай специалиһынан үлэлиир ытыктыыр салайааччыларбыт, норуот үөрэҕириитин
туйгуна Д.Г. Ефимова, РФ уопсай үөрэхтээһинин бочуоттаах үлэһитэ, СӨ үөрэҕириитин
туйгуна Е.Н. Колосова - кэлэн кыттыыны ылбыттара түмсүү тэрээһинин үрдүк таһым-
наата.
Ыалдьыттарбыт урукку кэмнэргэ улуус оҕо тэрилтэлэрин кытта элбэхтик эҥэрдэһэн
үлэлээбит буоланнар, эмиэ ол кэмнэри ахтан-санаан ыллылар уонна сэбиэдиссэйдэр
түмсүүлэрин үлэтин-хамнаһын биһирээтилэр, бэтэрээннэр дэгиттэр талааннаахтарын
көрөн сөхтүлэр. Онтон түмсүү чилиэннэрэ элбэхтик кинилэр сүбэлэрин үлэлэригэр
туһаммыт буоланнар, салайааччыларыгар Диана Гаврильевнаҕа, Елена Николаевнаҕа,
оройуон үөрэҕин салаатыгар оскуолаҕа киириэн иннинээҕи отделыгар инспекторынан
үлэлээбит Е.Ф. Сивцеваҕа, методист РФ үөрэҕириитин туйгуна Е.И. Бурнашеваҕа улахан
махталларын биллэрдилэр.
Сэбиэдиссэйдэр түмсүүлэрин сүрүн соругунан биир идэлээхтэрин ааттарын үйэти-
тии, үлэлэммит үлэни сыаналааһын, ааспыт кэми ахтыһыы, кэрэҕэ, сырдыкка тардыһыы
буолар. «Төгүрүк остуол» түмүгүнэн үлэлээн ааспыт кэми, түгэннэри сырдатар кинигэ,
бэтэрээн сэбиэдиссэйдэр түмсүүлэрин 10 сылын көрсө фотоальбом хомуллан тах-
салларыгар баҕа санааларын эттилэр, улууска оҕо тэрилтэтэ аһыллыбыта 80 сыллаах
үбүлүөйүн тэрээһиннээхтик көрсөргө ылыннылар.
Бэтэрээн сэбиэдиссэйдэр түмсүүлэрэ тэриллиэҕиттэн сыл аайы мустан үлэни-хам-
наһы дьүүллэһэллэр, соруктары ылыналлар. Ол курдук, биир идэлээхпит, өр кэмҥэ
сэбиэдиссэйинэн таһаарыылаахтык үлэлээбит А.Я. Колодезникова аатын үйэтитэн, кини