Page 11 - Кэнчээри ыччат туһугар

сССэнХээри ыЫат туИугар

2 0 1 6 с. КЭСКИЛЛЭЭХ ҮЛЭ ТОРУМНАННА

Кулун тутар 29 күнүгэр Тулунаҕа урут оҕо саадыгар үлэлээбит сэбиэдиссэйдэр көр-
сүһүүлэрэ буолла. Манна барыта 20-чэ киһи кыттыыны ылла. Тэрээһин сүрүн сыалынан
саҥа тутуллубут «Татыйык» оҕо уһуйаанын дьиэтин көрүү, урут биир кэмҥэ үлэлээбит
сэбиэдиссэйдэр көрсөн, ааспыт кэми ахтыһан ааһыылара буолла. Араас кэмҥэ оҕо
саадын сэбиэдиссэйдэринэн үлэлээбит: Е.Н. Гоголева (Суотту), А.С. Данилова (Бэйдиҥэ),
К.Г. Бурцева (Чараҥ), М.Р. Копырина (Майаҕас), Л.И. Троева (Тулуна), Г.Н. Иванова,
М.А. Ноговицына («Сарыал»), М.Н. Товарова («Кэскил»), Р.П. Аммосова (Курбуһах) уо.д.а.
бааллар. Бэтэрээн үлэһиттэри Е.Ф. Сивцева, Н.Г. Говорова салайан илдьэ сырыттылар.
«Татыйык» оҕо уһуйаанын сэбиэдиссэйэ Т.В. Замятина саҥа оҕо саадыгар экскурсияҕа
сырытыннарда. Саҥа дьиэни бэтэрээннэр сөхтүлэр-махтайдылар, аныгылыы ирдэбилгэ
эппиэттиир уһуйааны көрөн астыннылар. «Төгүрүк остуолга» санаа атастаһыыта, ис-
тиҥ-иһирэх кэпсэтии буолла. Бэтэрээн сэбиэдиссэйдэр кырачааннарга бэлэх-туһах
туттардылар.
Онтон библиотекаҕа айар куттаах дьоммутун кытта көрсүһүү буолла. Манна
Г.Н. Иванова-Айтыына, А.С. Данилова-Сарыада, М.Н. Товарова хоһооннорун аахты-
лар, айар үлэлэрин билиһиннэрдилэр. Бу тэрээһини библиотекарь М.В. Неустроева
иилээн-саҕалаан ыытта. Саҥа ааптар М.Н. Товарова айар үлэтин аан бастаан киэҥ эйгэҕэ
таһаарда. Онтон салгыы «Арчы» дьиэтигэр биһигини А.Г. Сторожева көрүстэ.