Page 14 - Кэнчээри ыччат туһугар

энХээри ы11ат т.

аатынан «Бастыҥ сэбиэдиссэйгэ» диэн биир кэмнээх бириис олохтообуппут. Найахы оҕо
тэрилтэтигэр сэбиэдиссэйдээбит А.М. Охлопкова Курбуһахха интернат-дьиэҕэ сытар
кэмигэр Е.Ф. Сивцева кэһиилээх тиийэн көрсүбүтэ.
Араас сылларга оҕо тэрилтэтигэр үлэлээбит сэбиэдиссэйдэр Курбуһахтан, Арыы-
лаахтан, Дүпсүнтэн, Чараҥтан, Майаҕастан, Бороҕонтон, Дьокуускайтан муһуннулар.
Кинилэр ортолоругар 80 сааһын туолбут ытык мааны биир идэлээхпит, өр сылларга
Өспөххө оҕо тэрилтэтигэр үлэлээбит, РСФСР норуотун үөрэҕириитин туйгуна, Өспөх
нэһилиэгин бочуоттаах олохтооҕо Клара Иннокентьевна Румянцева, улууска «Сонор»
оонньууну атаҕар туруорбут, элбэх чемпиону иитэн таһаарбыт, билигин Дьокуускайга
«Сонор» оонньуу тренерэ, РСФСР норуотун үөрэҕириитин туйгуна Клара Спиридоновна
Садовникова уо.д.а. бааллар.
Салгыы бэтэрээннэр бэйэлэрэ айбыт хоһоонноругар күрэхтэстилэр. Улахан биһирэ-
били түмсүү туһунан хоһоону айбыт бэтэрээн сэбиэдиссэй Анна Семеновна Данилова
ылла. Хоһооҥҥо мелодия айылыннаҕына, түмсүү анал гимнээх буолсу диэн үөрүү буолла.

Л.А. Андросова,
«Муру саһарҕата», 2018 с. кулун тутар 23 кунэ

Б ор отокуолтан

03.03.2018
Сэкирэтээр - Охлопкова Р.Е.
Бу көрсуһуугэ 22 сэбиэдиссэй кыттыыны ылбыт.

К.И. Румянцева - саамай саастаахпыт. «Колясканан да, тайахтаах да буолларбын,
ыҥырдаргыт эрэ кэлэ туруом» диэн эппитин бары хайҕыы истибиппит. Наһаа сэмэй
киһи буолан, «мин оннук детсады үлэлэппитим» диэн кэпсээбэтэҕэ. «Туох да атыыга
суох кэмигэр суол олох куһаҕан да буоллар, үлэһиттэр бары санаабытын ууран, суоҕу
да баар оҥорон үлэлиир усулуобуйаны тэрийэн үлэлээбиппит», - диэн ахтыбыта. Кини
үлэтин Сивцева С.А. маннык ситэрэн биэрбитэ: «Клара Иннокентьевнаттан детсады
тутан хаалбыт буолан, ирдэбил олус үрдүк этэ. Кэлин кини быраатын кыыһа саҥа
детсады бырайыактаан, кэргэнэ Василий Алексеевич, уус, киһи сүбэлээн, дьиэ кэргэн
бэдэрээтинэн саҥа дьиэни туттарбыттара хайҕаллаах дьыала. Бу буолар үлэлээбит
үлэтигэр бэриниилээх буолуу, дьон, нэһилиэк туһугар кыһамньы», - диэн кэпсээбитин
сорохтор онно саҥа билбиппит.
К.С. Садовникова: «Сонор «ДИП» оонньуутугар 40 чемпиону иитэн таһаардым, Уус
Алдантан - 20, Дьокуускайга - 16 оҕо. «Сонор» оонньуутун нууччалыы тылынан 2016
сыллаахха таһааттарбытым».
А.С. Данилова: «40 сыл уопсайа педыстаастаахпын, онтон 23 сыл сэбиэдиссэйдээ-
битим. Кэлин хоһоон айар дьарыкпын сайыннаран, араас түмсүүлэргэ сылдьабын.
«Ветеран иитээччилэр» диэн гимн суруйдум».
Г.Н Иванова: «Мүрүчээнэ» саҥа таас дьиэ тутуллан, баҕа санаам туолбутуттан
астынабын. Быйыл үс кинигэм таҕыста: «Ойуур остуоруйата», «Өбүгэ үгэһин утумнаан»,
«Элэмэс аттаах Эрэли бухатыыр».
М.Р. Копырина: «9 кылааһы бүтэрбит баанчыктаах кыыс детсадка воспитателинэн
кэлбитим. Түмсүүбүт өрүү баар буоллун».
Л.А. Андросова: «Сэбиэдиссэйдээ диэн ыҥырбыттарыгар «ээх» диэбиппин билбэккэ
да хаалбытым. Москваҕа тиийэн, семинарга кыттан, трибунаттан тыл этиэхпэр дылы
үүннүм, сайынным. Ити барыта салайааччыларбыт Елизавета Федоровна, Екатерина
Иннокентьевна үтүөлэрэ. Детсад сэбиэдиссэйдэрэ диэн кинигэ тахсара буоллар, исто-
рияҕа киирэн хаалыа этибит».