Page 58 - Кэнчээри ыччат туһугар

энХээри ыПат туИушр

Педагогическай үлэҕэ 42 сыл үлэлээтим, 2013 сылтан детсадпар прачканан билигин
даҕаны үлэлии сылдьабын. Уопсайа 48 сыл үлэ ыстаастаахпын.
Үлэһит буолуохпуттан Окоемовка бөһүөлэгэр дьахтар комитетын бэрэссэдээтэлинэн
үлэлээтим. Детсад коллектива кулуупка ыытыллар концертарга, күрэхтэһиилэргэ,
субуотунньуктарга барытыгар актыыбынайдык кыттабыт. КМО иһинэн ыытыллар
тэрээһинэргэ өрүү көхтөөх кыттыыны ылабыт. Быыстапкаларга, оҕолор оҥоһуктарын
көрүү-күрэхтэригэр кыттан куруук миэстэлэһэрбит. Улууска ыытыллар предметнэй
күрэхтэһиилэргэ кыттан, II миэстэҕэ тиийэ миэстэлэспиппит.
Сопхуос саҕана дайааркалары солбуйуу, дулҕа кырбааһына, хотон сыбаҕа - аата-
ахсаана биллибэт үлэ-хамнас буолара. Бөһүөлэк кыра буолан, детсад үлэһиттэрэ барыга
бары инники күөҥҥэ сылдьарбыт.
Кэргэним Илья Семёнович сопхуос саҕана тракторга прицепгциктаабыта. Миэхэ өрүү
күүс-көмө буолар киһим. Икки оҕону иитэн-үөрэттэрэн, ыал, үлэһит оҥортоотубут. Уол
Окоемовкаҕа ыал буолан олорор. Кыыһым Дьокуускайга саха тылын салаатын бүтэрэн,
18 №-дээх оскуолаҕа учууталынан үлэлээбитэ, билигин атын үлэҕэ үлэлиир. Үс оҕолоох,
икки сиэннээх. Онон мин үс сиэн, икки хос сиэн тапталлаах эбэтэ буолан олоробун.
Улахан сиэним кыыс, уоллаах кыыс оҕолоох. Ортоку сиэн уол Китайга циркач үөрэҕин
бүтэрэн, билигин циркаҕа үлэлээбитэ иккис сыла. Кыра уол 14 №-дээх оскуолаҕа
8 кылааска үөрэнэр.
Мин бэйэм сааһыран иһэммин скандинавскай хаамыынан дьарыктанабын. Кыралаан
сир астыыбын, кыайарбынан оттоһобун. Улахан иистэнньэҥим суох эрээри син бэйэбэр
наадалаахпын тигэбин. Урукку өттүгэр тыа сиригэр олорорум быһыытынан сүөһү,
сибиинньэ, куурусса ииттибиппит. Билигин сылгы тутан, онон аһаан-сиэн олоробут.