Page 63 - Кэнчээри ыччат туһугар

сССэМээри. ыПат ту&угар

ПОПОВАРАИСА ПЕТРОВНА
(18.12.1952 - 22.03.2009)

Саха Өрөспуубулукэтин уөрэҕириитин туйгуна, педаго-
гическай улэ бэтэрээнэ

Ийэбит Раиса Петровна сэттэ оҕолоох Варвара уонна Петр
Петуховтар дьиэ кэргэннэригэр иккис оҕонон күн сирин
көрбүтэ. 1969 сыллаахха Лөгөй орто оскуолатын үөрэнэн
бүтэрбитэ. Орто дойду сиэринэн дьиэ кэргэн тэринэн, айыы-
лартан алгыстаммыттыы уол, кыыс оҕолонон, икки оҕо ийэтэ,
эбэ дэтэн, минньигэс сиэнин оҕолуур дьолун билбиттээҕэ.
36 сыл устата оҕо уһуйаанын үлэтигэр олоҕун анаабыта:
кырачаан, саҥа саҥаран эрэр дьону үтүө үөрэхтээх киһи оҥо-
роору үлэлэһэрэ, «бу кыра ыччат тугу эрэ саҥаны билиэхтээх,
сайдыахтаах» диэн санаатыттан бэйэтин укулаатын элбэх
оҕону үөрэтиитин уурбута.
Ийэбит кылгас олоҕу олордор да, бэйэтин кэмигэр элбэх үлэни үлэлээн, дьон
убаастабылын, махталын ылыан ылбыта, чаҕылхай олоҕу олорбута. Кини оҕо уһуйааны-
гар үлэтин аан маҥнай Даалы сэлиэнньэтигэр, оттон сэбиэдиссэй быһыытынан үлэтин
Уһун-Күөл бөһүөлэгин оҕо саадыгар саҕалаабыта. Кэлин Амма улууһугар үлэлээбитэ,
уопутун хаҥатан, Кэптэни оҕо уһуйааныгар, төрөөбүт төрүт сэлиэнньэтигэр бэрт бэри-
ниилээхтик салайааччынан үлэлээбитэ. Детсадка салайааччы быһыытынан таһаарыы-
лаахтык үлэлээн, элбэхтэ наҕараадаламмыта. Үлэлиир кабинета барыта уурбут-туппут *
курдук буолааччы, докумуоҥҥа, занятиеларга туһаныллар матырыйааллара барыта
орун-оннугар буолара. Кини бэрээдэги ирдиир этэ.
Үлэтигэр олус бэриниилээҕэ, оҕо сайдарыгар кыра саастарыттан «дьиэ кэргэн уонна
дьааһыла биир санаанан үлэлэһиэхтээхпит» диэн төрөппүттэри кытта ыкса элбэхтик
үлэлэһэрэ. Арыт кырачаан иитиллээччилэри биһиэхэ дьиэбитигэр төрөппүттэрэ аҕа-
ланнар эбии хоһооҥҥо, олоҥхоҕо үөрэттэрэллэрэ, эбии дьарыктаталлара. Ону таһынан
тэрээһиннэргэ, дьарыктарга диэн бэйэтэ оҕолорго анаан кылгас хоһооннору, кэп-
сээннэри айара. Уопсай үлэҕэ айымньылаах көрүүлээҕэ: ийэбит ханнык баҕарар эйгэҕэ
дьаныардаах буолара, ырыа буоллун, үҥкүү буоллун, спорт буоллун. Үлэтигэр даҕаны,
күннээҕи да олоҕор элбэх дьүөгэлэрдээҕэ, эрэнэр табаарыстардааҕа. Дьоҥҥо сыһыана
истиҥ этэ, элбэх киһи махталын ылыан ылбыта диэн эттэхпитинэ, алҕаһаабаппыт
буолуо. Бииргэ үлэлиир дьо-
нун кыһалҕаларын быһаар-
сарга түбүгүрэрэ, ийэбитигэр
ким баҕарар өйөбүл, сүбэ-ама
ыла кэлиэн сөп курдук са-
ныырбыт. Аймахтарын оҕоло-
рун дьиэтигэр олордон, үөрэт-
тэрэн, детсадка сырытынна-
ран, таҥастарын-астарын
дьаһайан, көрөн-истэн сыл-
дьыбыта. Үлэтигэр, нэһилиэк-
кэ улахан аптарытыатынан
туһанара. Дьиэбит-уоппут
наар ыраас, хомуллуулаах,
мааны буолара. Хаһаайка
быһыытынан да бастыҥа, ас
арааһын астыыра, оҕоло-
рун, аймахтарын минньигэс