Page 62 - Кэнчээри ыччат туһугар

ыПат туИугар

(5-6 саастаах оҕолорго анаан),
«Толбон» (5-6 саастаах оҕолорго
аналлаах илиинэн үлэ ньымала-
рыгар дьарык-куруһуок) / / 2009 с.
программалар.
Үлэлээбит сылларбар ийэлии
үтүө сыһыаммыт бэлиэтинэн
«Мүрү саһарҕата» хаһыакка
детсадка сылдьыбыт, билигин
Канадаҕа олорор оҕом Мария
Гермагеновна Протодьяконова
ахтыытыттан: «Мин Уус Алдан
улууһугар Бороҕон бөһүөлэгэр
күн сирин көрбүтүм. Онно «Ньургуһун» оҕо саадыгар уһуйуллубутум, оскуола боруогун
атыллаабытым. Оҕо саадым саамай сөбүлүүр иитээччитин Сивцева Марфа Гаврильевна
аатын хаһан да умнуом суоҕа. Уһуйааҥҥа иитиллибит сылларбын олус үчүгэйдик са-
ныыбын, үлэһиттэригэр махтанабын. Тугу ыыппыттарын билигин да барытын өйдүүбүн»,
- быһа тардыы киирбитэ буолар. Ити курдук оҕолорбут ханна да олордоллор, сырыт-
таллар, детсадтарын, үлэһиттэрин истиҥник ахта-саныы сылдьаллара, көрүстэхтэринэ,
үөрэ-көтө кэпсэтэллэрэ киһини үөрдэр, долгутар. Ол буолар ийэлии истиҥ сыһыаммыт
туоһута.
Хайа баҕарар нэһилиэккэ дьон-сэргэ сынньанар, сэргэхсийэр сиринэн Сынньалаҥ
киинэ буолар. Үлэлээн бүтэн, бочуоттаах сынньалаҥҥа олорон баран, «Үһүс саас»
оскуолатыгар, «Иэйии» ырыа, «Далбар» үҥкүү ансамблларыгар сылдьабын. Сылын аайы
улуустааҕы бэтэрээннэр конкурстарыгар ситиһиилээхтик кыттабыт. Гран-при, лауреат,
дипломант аатын ылаттаабыппыт. «Кэл, олор, сэһэргэһиэх» «Саха» НКИК биэриитигэр
уһуллубуппут.
Кэлин «Хаачылаана» бэтэрэээн сэбиэдиссэйдэр түмсүүлэригэр киирбитим. Бу
түмсүү тэриллибитэ наһаа наадалаах. Киһи бу маннык түмсүүлэргэ кэлэн, дууһалыын
сынньанар, кэрэҕэ-сырдыкка тардыһар, истиҥ-иһирэх көрсүһүүлэргэ биир идэлээхтэр-
гин кытта үөрэ-көтө ахтыһан, көрсөн сэһэргэһэҕин, уопуккуттан атастаһаҕын, элбэҕи
бэйэҕэр ылынаҕын, тэрилтэлээх курдук сананаҕын.
Түмсүүбүт салгыы сайдан, өссө саҥаттан саҥа сүүрээннэри киллэрэн, туспа статус-
таах тэрилтэ буолара буоллар. Түгэнинэн туһанан, бары тэрээһиннэри иилээн-саҕалаан
ыытар, дьону түмэр Наталья Григорьевнаҕа, Елизавета Федоровнаҕа барҕа махталбын
тириэрдэбин. Түмсүү бары чилиэннэригэр үгүс үтүөнү, кэрэни, сырдыгы, доруобуйаны,
бэйэ-бэйэни өйөһүүнү, өйдөһүүнү, түмсүүлээх буолууну баҕарабын.