Page 67 - Кэнчээри ыччат туһугар

энгээри ыпаш шиЯргар

кыахтаах буолан, тэрилтэ оччотооҕу ирдэбилгэ сөптөөх базалааҕа. Элбэх методическай
матырыйаал, көрдөрөр пособие бэйэ илиитинэн оҥоһуллубута.
Айар куруһуоктар таһаарыылахтык үлэлээн оройуон, өрөспүүбүлүкэ күрэхтэри-
гэр ситиһииллэммиттэрэ. Идэлээх конкурстарга иитээччилэр үрдүк таһымнаахтык
кытталларыгар тус бэйэтэ үгүс сүбэни биэрэрэ, көрдөрөр матырыйаалларын оҥорон
көмөлөһөрө. Үлэһиттэрэ аттестацияны ситиһиилээхтик ааһалларыгар ураты болҕомто-
тун уурара.
Оформитель, худуоһунньук быһыытынан нэһилиэк уулуссаларын, ыһыах түһүл-
гэтин, оскуола кабинеттарын маслянай кыраасканан талааннаахтык уруһуйдаан,
киэргэтэн, кэрэ көстүүлүүрэ. Салайар «Кустукчаан» куруһуогун оҕолоро оройуоҥҥа,
өрөспүүбүлүкэҕэ ситиһиилэммиттэрэ.
Люда истиҥ сыһыаннаах, эрэллээх доҕор, амарах ийэ, эйэҕэс эбэ этэ. Ыалдьытымсах
буолан, киирбити барытын күндүлүүрэ, ирэ-хоро кэпсэтэрэ.
Бииргэ төрөөбүттэрин, чугас дьонун, кыһалҕалаахтары өйүүрэ, көмөлөһөрө, анаан
бэлэх-туһах туттарарын, суолталаан болҕойорун сөбүлүүрэ. Ураты асчыт, хаһаайка,
иистэнньэҥ, уруһуйдьут буолан, астынан туран түбүгүрэрэ. Үс эдьиийдии-балыстыылар
сааһыран ватсап нөҥүө санаабытын, сонун дьарыкпытын үллэстэрбит. Люда сатаабата
диэн суоҕа. Баар-суох сүбэһиппит, ыарахан түгэҥҥэ эркиммит этэ.
Общественнай үлэҕэ хара өлүөр диэри кыттара. Библиотека сүбэтигэр, кроссвор-
дистар түмсүүлэригэр, араас күрэхтэргэ өрүү кыттара. Сатабыллаах оҕуруотчут буолан,
дьону-сэргэни хаппыыстанан, оҕурсуунан буор-босхо күндүлүүрэ.
Сиэннэрин олус таптыыра, айар үлэҕэ, оҥоһукка, иискэ, уруһуйга уһуйара, таҥаста-
рын тигэрэ, спонсордыыра. Оҕолорун, күтүөтун, кийиитин өрүү маанылыыра, өйүүрэ.
Дьон туһугар тугун да кэрэйбэтэ. Тапталлаах балтым, бастыҥ доҕорум, күн сириттэн
65 сааһыгар күрэммитэ. Кини туйаҕын улахан кыыһа Татьяна салгыыр. Ситэ олорботох
олоҕун үс оҕото уонна сэттэ сиэнэ салгыыллар.

Зинаида Иннокентъевна Василъева,
РФ уөрэҕириитин туйгуна,
педагогическай улэ бэтэрээнэ,
СӨ уөрэҕириитин бочуоттаах бэтэрээнэ,
II Лөгөй нэһилиэгин бочуоттаах олохтооҕо