Page 191 - Былыр этэ диэххэ

сырдаата. Саастаахпыт дөссө өрөөн аас диэн куттаата. Дьоммут-
тан мөҕүллүөм, хайаан да бардахпына сатанар диэн куоһурданан
уол иннин биэрбэтэ. Аара баран иһэн аны дьахтарга хаһан да
чугаһыам суоҕа диэн кэмсинээхтиир.
Дьэ мантан ыла атыыһыт сырыыта чаастатыйан, хоноро-
өрүүрэ элбээбитэ. Дьахтара кэтэһиилээх ыалдьытыгар сэниэ
киллэрээри, ис кэтэринэн эрэ, кэрэ сэбэрэтинэн көөчүктэнэ, ас
астыы сырыттаҕына уола остуолга умса баттаан кэнниттэн сил-
лиргэтэр атыыр бэрдэ буолбута.
Өйдөөх дьахтар Бөтөрүүскэлээх окко киириэхтэрин иннинэ
дьонуттан көҥүллэтэн кыстыыр отун оттуурга көрдөһүннэрбитэ.
Сырдык Күөл барахсан ото бэһилиэнэйин оттотоору эрдэлээн
сиппит аҕай этэ. От отуу оҥостон үрдүттэн хоно сылдьан хадыһа
сирин биирдэ тэлэкэлээн кэбиспиттэр. Матырыана Бөтөрүүскэҕэ
аҥаар буолар охсооччу бэрдэ эбит. Отууларыгар киирэн чаан-
ньык оргуйуор диэри күүстээх үлэттэн өссө тэбиэһирбит имэҥ-
нэрин таһаарыналлара. Отуу тэллэх отторо угунньа отун көрдүк
тааҕатыйыар диэри оонньууллара. Дьонугар билсэ бара сылдьан
эргиллибитэ, күөл кырыытааҕы охсууларын бугуллаан бачыгыра-
тан кэбиспит этэ. Эчи бугула бэйэтин эмиийин көрдүк томтоһон
кэрэлэрэ. Киһи эрэ имэрийиэх мөлбөһө кэчигирээбиттэр. Сүүр-
бэҕэ эрэ тиийбэт аҕа дьахтар оҕо киһини ойох ыл диэбэтэр да,
эдэр киһиэхэ лаппа ылларбыта. Уолбут да арахсар санаата суох
курдук сылдьыспыттара.
Бастакы таба тутуутун кэнниттэн уолу холкуос салалтата ын-
дыыга ыытарга анаабыт. Дьоно хата ындыы табаарыттан тиксиэх-
пит диэн уолларын ол ыарахан, кутталлаах сырыыга ыытарга эгэ
эрэ сөбүлэҥнэрин биэрбиттэр. Ыраах ындыыга барарыгар холкуо-
һа биэрбит харчыларынан таҥас-сап ылар ааттанан аара Матырыа-
натыгар таарыйда. Ыраатардыы бырастыылаһа кэлбитин истэн,
дьахтарбыт син сүөм түстэ. Уолун баҕатынан эрэ сытан ыллылар.
Алаадьылаан, силигин ситэрэн булууһуттан саас оҕус борооскутун
аттаппыт таһаҕын киллэрэн астаата. Ол кэннэ хаһааҥҥытааҕар да
имэҥирэн тиһэх төгүлүн оонньоотулар. Түһэрээри гыммытыгар,
оҕо үөскүүр сиэмэни билиммитэ дуу, эт этэ бүтүннүү имэҥирэн,
оборон ылан сыстыспыт көрдүк кус бэриинэҕэ уһуннук таалан
сыттылар. Бырастыылаһар курдук уолу онтуттан-мантыттан бүт-
түү уураата, сыллаата. Этэҥҥэ сырыт диэн алҕаата.
13