Page 196 - Былыр этэ диэххэ

Былыр этэ... былыр

ччолорго Сыаганнаахха племзоотехнигынан ананан үлэ-
лии сылдьабын. Эдэр ыччаты кытта син эн-мин дэ-
сиһэн билистэрбин да, саҥа үлэһити салалта сааскы кус­
ка ыытара биллибэт диэн кустуу барарга санаммаппын даҕаны.
Бииргэ үөрэнэн бүтэрбит табаарыһым Иванов Эдуард Андреевич
кэпсэтиитэ да сүр, управляющайы да кытта уопсай тылы булбут
быһыылаах. Ыраах, перевалтан бастакынан көрбүтүнэн кэлэр
кустаах сиргэ барсабын диэн миигин ымсыырдыбыта ыраатта.
Ол дойдуга атынан эрэ тиийиллэр үһү. Кыттыгастарын тойоно
дьылга биирдэ, куска эрэ мииниллэр аты тутан, саҥа кыттыгаһын
үөрэтэ сылдьан ыарахан, мөдөөт киһи ата сыата тэһэ анньан тэ-
йиэккэлээбитин тулуйбакка охтон, атаҕын тоһуппут. Гиипсэ-
лэнэн дьиэтигэр тахсан сытан: «Мин оннубар эн барсыбаккын
дуо?» — диэтэ. Управляющайы, кыттыгастарын кытта кэпсэ-
тэн хата мин сааскы куска аан бастаан бу хоту сиргэ — Абый-
га, барсар буолбуппуттан сүргэм көтөҕүлүннэ. Маннааҕы булка
барааччылар аһы-үөлү кыттыһан ылаллар эбит. Сири, Байанайы
аһатарга бытыылка ахсааҥҥа киирбэт. Киһим икки бытыылка
испиирин кытта икки сүүс ботуруонун мин ыллым. Утуйар таҥас
наадата суох, уларыттар эрэ таҥастаах оҥостон бүттүм.
Кыра бөһүөлэккэ ким туох тыыппалааҕа тута биллэр. Арааһа,
киһим да кыттыгастарыгар «сырдатан» эрдэ ини. Куска барыах-
таах салайааччыбыт Балтараа Бааса диэн сахаҕа лаппа үрдүк
уҥуохтаах, уҥуох-тирии хаппыт эдэрчи киһи. Тойоно Килгиэрэй
оҕонньору билиһиннэрэн, киниттэн ат ылыах буоллум. Бэлэм
акка үөрэхтээх эдэр киһинэн туһанан хаҥыл, быаҕа эрэ үөрэммит
аты сыһыттараары көрдөрдө. Кустуу барар баҕаҕа, саатар эрэ. Хата
хаҥыл аты үөрэтэн очукуо хомунарга төрүөт түбэстэ. Дойду сирин
боруода булкаастаах аттарын курдук үрдүк уҥуохтаах көлөттүгэс
көрүҥнэрэ суохтарын иһин, сытыы сирэйдээх-харахтаах сылгы-
лар эбит этилэр. Быстах санааҕа сэнээн былдьаныахха сөп. Ха-
раан көрбөккө, мөҕөн бэйэҥ иннигин ылбаттарыгар махтан. Аты
тута-хаба үөрэхтээх дьону кытта охторо сытыаран ыҥыырдааты-
быт. Мин саҥа биэс ыҥыыры атыылаһан кэлбиппиттэн биири
бэйэбэр ордоруммутум. Сабыс-саҥа ыҥыыр сотору-сотору чал-
18