Page 203 - Былыр этэ диэххэ

Сааскы кус көҥүллэннэҕинэ бөһүөлэккэ эр киһи ордубат, бары
булка бараллар. Мин кыттыгастарым иккиэн да оҕото-уруута суох,
оҥойор айахтарыгар эрэ бултуур дьон ким да былдьаһыспат си-
ригэр саха тэҥэ суох кэлэн сыталлар. Эмээхситтэрэ өйүөлээбит
«мытыыккаларыттан» кэлээт Байанайдарын аһатаары амсайан,
үргүлдьү бытыктара умайан биир иһит испиири бүтүөҕэр диэри
олорбуттара. Иккиэн да кыраҕа итирэбит диэбэккэ, өлөттөрөн
олордохторуна тула саа тыаһа кымньыылаан, сыккырыыр дууһа-
лара эрэ эр-биир дьэһээккэлэригэр киирбиттэрэ. Дьонуҥ бэртэрэ
кэлбит куһу куоттарбаттыы, бырах доруоп тиийбэт гына оҥосту-
бут биэрэги кыйа утуу-субуу дьэһээккэлээхтэр. Сарсыардааҥҥы
көтүүгэ атах иһинээҕи ууну тумус мас күлүктээн харыал көстүбэт.
Тыалырдаҕына атах мууһун илин эрэ баһа дьириминиир. Таала
аннынааҕы харыаллар сылбах мас курдук хамсаабакка олороллор.
Тула саа тыаһа сэллээбэккэ тиҥийдэҕинэ да харыаллара куһу сиэ-
тэн аҕаларга кыһаллыбаттыы иһийэн олороллор. Ону ол диэбэк-
кэ, сытыы буулдьаттан кымньыылатан өйүн сүтэрбит биир атыыр
анды үөһээнэн көтөн иһэн аллараа курулаата. Билииттэн атах
хоту өттүнээҕи ырбыытын батан ууну таһыйа кэлбитин Өлөксөй
түҥнэри ытан түһэрдэ. Харыал бэтэрээ өттө дьара, онон сүүрэн
киирэн тутан таҕыста. Байанай барахсан аһаабытын төлүү оҕустаҕа
түргэнэ. Булчут сиэринэн бастакы куһун күөстэнэрдии түөһүттэн
саҕалаан үргүү олордоҕуна, үс анды кыйбараҥнаспыттарынан
эмиэ хаҥас өттүнэн көтөн иһэллэриттэн куһун дьэһээккэтин тас
диэки элитээт ньыкыйан олордо да, баҕайылар харыал үөс өттүн
тутан доҕорун диэки аастылар. Түһүөхтээҕэр өрө ханарыһан тах-
сан Дьаакып атаҕын диэки төттөрү эргийдилэр. Ээ, ити диэки ба-
раҥҥыт абыраммат инигит. Тохтуу түһээт доҕорун саата хабылла
түстэ. Хайа үөдэнтэн кэлбитэй, биир куһу бииринэн бултаан хата
Өндүрэй туттуу мааны. Тыыланан киирэн тутан таҕыста. Өлөксөй
таах олоруохтааҕар куһун салгыы үргээри харбыаласпыта куһа мэ-
лигир. Соһуйбут омунугар ойон туран дьэһээккэтин тула хаста да
эргийдэ, булда син биир суоҕун курдук суох. Дьэһээккэтин отун
тэллэҕин хаста да сүргэйдэ. Уу кырыытынан, кэтэҕинэн ыраахха
диэри хааман көрдөөтө да булда мэлигир.
Күн уоттанан, халлаан сылыйан тула саа тыаһа сэллээтэ. Ки-
нилэр да икки өттүттэн кэтэсиһэн олорбохтуу түспүттэрин кэннэ
арыый да чугас дьэһээккэлээх киһи Өлөксөй урут балааккатыгар
25