Page 89 - До5ордуулар суруйсуулара

Миитэрэй суруктара

- 1 -
Коля, привет!
Эн 6/Ш суруккун туппутум икки хонно. Суругуҥ иһин олус
диэн махтал. Ол гынан баран боппуруостарын' кыайан
эппиэттэниэ суохтар. Ол да буоллар кыах тиийэринэн
эппиэттээбитэ буолан көрүүм.
Мин санаабар, эн боппуруостаргар лектор сүнньүнэн сөптөөх
эппиэти биэрбит. Обком бюротун уурааҕа, мин санаабар, сүрүн
ис хоһооно (дух решения) адьас таба. Мин бэйэм маннык
санааҕа кэллим диэххэ сөп: ити суруйааччылар просветителлэр
буолбатах этилэр. Ити сүрүн быһаарыыта Саха сирин
конкретнай-историческай усулуобуйаларыгар буолар дии
саныыбын. Ылан кор, холобур, нуучча да, Франция да
просветителлэрин. Кинилэр феодализм бүтүүтүгэр капитализм
саҕаланыытыгар баар буолбуттара. Оттон Саха сирэ 1917
сыллаахха диэри патриархальнай-фоедальнай сыһыаннаһыыларга
баара. Ити экономическай өтгө. Аны үөрэх, сурук-бичик
сайдыытын ылыахха. Франция, Россия просветительство
бириэмэтигэр сүүһүнэн сылларынан сайдыбыт кэмнэрэ этэ.
Оттон биһиэхэ Өктөөпкө диэри киһи киһиэхэ кэпсиир суруга
суоҕа. Онон, мин санаабар, ити дьону просветителлэр диир
остуоруйа сайдыытын кытта аахсыбат буоларга тириэрдэр.
Ол гынан баран, ити дьоннор туох да суолталара суох диир
олох сыыһа. Ити дьоҥҥо, «Правда» этэрин курдук, үчүгэй да,
куһаҕан да баар. Ону үчүгэйин ылыахха.
Ити дьоннор реалистар этилэр дуо? Мин санаабар, реализм
просветительствоны кытта биир кэмҥэ үөскээбитэ, а.э.
капитализм саҕаланыытыгар. Оттон биһиги дьоммут
патриархальнай-феодальнай сыһыаннаһыыга олорон реализмы
кыайан биэрэр кыахтара суоҕа. Ити кинилэр буруйдара
буолбатах, муҥнара буолар. Ол гынан баран, кинилэр оччотооҕу
олох сорох өттүлэрин таба көрдөрбүттэрэ, натурализм

87