Page 87 - До5ордуулар суруйсуулара

оҕолоро, тугу гыныахпытый, хайдах буолуохпутуй? Кавказтар
курдук буолбаппыт ордук буолуо. Үөскээбит айылҕабытынан,
историябытынан, кыахпытынан даҕаны кинилэр курдук кынчаал
үрдүгэр түһэрбит биллибэт. Өйбүтүнэн, майгыбытыиан, киһилии
моралынан, политиканам, идеянан киирсэ сатыыр ордук буолуо.
Биһиги кэмҥэ республикабыт суверенитетын көмүскүүргэ бэйэбит
президеннэнэрбит ордук. Саха сирин норуоттарын эйэлээх
олохторун көмүскүүр президент былааһа наада. Ити турбут түөрт
киһиттэн М.Е.Николаевка куолаһы биэрэр хайдах буолуой? Бу
үлүгэрдээх кэмҥэ кини үлэтэ-хамнаһа норуокка балачча чугас
буолбатах дуо? Оттон Россияттан арахсар боппуруос турара олох
сатаммата чуолкай. Россия иһинэн олоҕу тупсарар иһин охсуһар
сөп. Уонна манна олохтоохтор түмсэллэрэ, сомоҕолоһоллоро ордук
кыайыылаах буолуо дии саныыбын.
Эн билигин тугунан дьарыктанаҕын, туох эмэ
уопсастыбаннай үлэлээххин дуо? Биитэр дьиэҥ-уотуҥ түбүгүттэн
орпоккун?
Эһиэхэ бары үтүөнү кытта Ньукулай. 22.11.91 с.

-90-
Миитэрэй, дорообо! Эһиэхэ Сана дьылынан открытка
ыыппытым ыраатта. Дьэ, доҕоор, кытаанах ойоҕостоох дьыл
адаҕыйан иһэр. Хайдах аһаан-таҥнан олорору айбыт билэр.
Эһиги, тыа эҥэрдээх дьон, күүскүтүн түмэн сүөһү иитэ сатааҥ.
Өбүгэлэрбит аҥардас сүөһүнү иитэн олорбуттара дии. Ыанар
ынахтаах, кыстыыр эттээх киһи туох буолуой. Өссө ас-таҥас
кыһалҕата кыра, онно-манна кыргыспыттара ыраатта дии.
Республикалар икки ардыларыгар, истэригэр даҕаны туохтар
буолаллара биллибэт. Биһиги, хоту муус болуо дойдуга
олорооччулар, саатар бэйэбит өйбүтүн-күүспүтүн түмэн, эйэ-
дэмнээхтик ыарахаттары утары туруулаһарбыт буоллар.
Билиҥҥитэ этэҥҥэ соҕус дии.
Аан дойду эйгэтинэн ыллахха, арай Кытай тулуктаһыа.
Кубаҕа чахчы кытаанах буоллаҕа...

85