Page 86 - До5ордуулар суруйсуулара

- 89 -
Миитэрэй, дорообо! Икки кэмбиэрдээх хаһыаттарыҥ,
суруктарыҥ иһин баһыыба! Иккиэн биир күн кэллилэр. Биһиги
олоробут кэминэн. Таанньа бэгэччэгин алларатынан илиитэ
тостубута. Урут эмиэ өлөрбүт илиитэ. Ол охтуутугар түөһүн
эмиэ өлөрбүт этэ. Балачча өр түөһүм ыалдьар диирэ. Билигин
быдан үчүгэй буолла. Илиитэ кыраны туттарар. Бүллэтиэнэ бүтэ
илик. Ол да буоллар дьиэтигэр түбүгүрэр, маҕаһыыҥҥа сылдьар.
Тулуйан олорбот харахтардаах.
Мин урукку үлэбин (сэрии саҕанааҕы уонна сэрии
кэннинээҕи уон сыллар поэзияларын) бэчээккэ бэлэмнээбитэ
буолан баран бэйэм секторбар дьүүллэттим. Урукку кэм өйүн-
санаатын ыһыктыбатаххын диэтилэр, элбэх бэлиэтээһиннэри
оҥордулар. Бэчээттэнэрэ баһа биллибэт да буоллар, бэйэм
өйдүүрбүнэн, кыайарбынан оҥорон кэбиһэр санаалааҕым.
Кыратык оҥоро түһэн баран эмиэ дьүүллэтэрим дуу...
Бэчээттэммэтэр да, архыыпка сытыа этэ. Пенсияҕа
ыыппатахтарына, Дүпсүн Никифоровын аҕалыҥ диир
санаалаахпын. Киниэхэ сыһыаным ити ыстатыйам курдук. Үс
өрөбөлүүссүйэ уот буурҕатын баттаһа олорбут саха
интеллигенциятын быһыытынан көрдөрбүт киһи диэн
баҕалаахпын. Маассабай ааҕааччыга сахалыы кыра очерка курдук
хайдах буолуой? Эн урут сөбүлээбэт этиҥ, билигин санааҥ
хайдаҕый? Өйүүр, сүбэлиир буоллаххына суруй. Туох эмэ
киниэхэ сыһыаннааҕы билэр, истэр буоллаххына, биллэр.
Отонноотоххо оҥоойук туолар диэн баар. Никифоров туһунан
еуруйуу Өктөөбү, Ленини, Аммосовы, Ойуунускайы утарыы
курдук буолуо суохтаах. Олох тосту уларыйыытын, үйэлэр
хабырыйсыыларын төрүөхтэрин курдук көрдөрүөххэ сөп.
Оттон билигин үрэллии, ыһыллыы кэмэ кэллэ. Тоҕо
анньыллыбыт иһиттээх ууну саба тутан төттөрү иһитигэр
хаалыыры туох кыайыа баарай! Суоҕу баар гыныахтааҕар баары
суох гынар сүүс төгүл чэпчэки. Контрөрөбүлүүссүйэ күннүүр
кэмэ кэллэҕэ. Бу ыарахан кэмҥэ, биһиги, хотугу тоҥ дойду

84