Page 187 - Дойдум Уус-алдан Хорото

тэриллиннэҕинэ, оройуон гозбаанын уонна оройуон салалтатын кытта араас туруорсар боппуруостар
аайы сырыы элбэх буолуо, ол аайы Чэриктэй курдук куһаҕан суоллаах-иистээх сиргэ төттөрү-
таары сылдьар ороскуоттаах буолуо», - диэн аккаастаабыттара. Онон «Маяк» колхоз территори-
ятыттан «Мындааба» бөһүөлэгин арҕаа өттүттэн сир көҥүллэтэн киини онно олохтуурга
быһаарыллыбыта. Ити кэмҥэ ММС тутуутугар аан бастаан Чэриктэйгэ Андрей Заровняев
биригэдьиирдээх тутуу биригээдэтэ тэриллэн үлэлээбитэ. Биригээдэ састаабыгар Иван Петрович
Сьручков, Михаил Афанасьевич Стрекаловскай, Никита Обутов, кэлин Степан Егорович Петухов,
Василий Дмитриевич Ушницкай үлэлээннэр Благодатнай бөһүөлэгиттэн көһөрөн 8 дьиэни
туппуттара. Биир эргэ гарааһы ремоннаан техникалары туруорбуттара. Итинник сана тэринэн
үлэлээн эрдэхпитинэ ММС-та «Спецтрестякутмелиоводстрой» 1970 сыл олунньу ый 27 күнүнээҕи
23 Ля-дээх бирикээһинэн ликвидацияҕа барбыта. Онон Петр Николаевич райсовет т/хаһаайысты-
батын производственнай управлениетыгар инженер-мелиоратор дуоһунаһыгар үлэлии кэлбитэ.
Миигин ити тэрилтэҕэ тутуу инженерынан Э.Т. үлэҕэ ылбыттара. Петр Николаевич 1971 сыл
балаҕан ыйыттан уурайан атын үлэҕэ анаммыта. Кини оннугар 1971 сыл балаҕан ыйын 7 күнүттэн
ыла инженер-мелиораторынан үлэлии хаалбытым.
1971 сыллаахха Петр Николаевич пенсияҕа тахсар 55 сааһынтуолар юбилейыгар ыҥырбыта.
Юбилейа Бороҕоҥно Василий Васильевич Румянцев олорор уопсай дьиэтигэр буолбута. Элбэх
ыҥырыылаах ыалдьыттар кэлбиттэрэ. Оройуон нэһилиэктэриттэн, республикаттан тиийэ ыҥы-
рыллыбыттар этэ. Мин Петр Николаевич пенсияҕа тахсар юбилейыгар «Үтүөлээх мелиоратор»
аатын иҥэрбиттэрин туһунан знагы уонна удостоверениены т/х министерствотын представителэ
туттарбытын курдук өйдүүбүн. Элбэх дьон тыл эппитттэрэ. Үтүө санааны, сырдык ыраны, тус
олоҕор дьолу-соргуну баҕарбыттара. Петр Николаевич түмүк тылы этэригэр кэлбит ыалдьытгарга
истинник махтаммыта. Үөрүүтүн тулуйбакка ытыы турбутун, доҕотторо долгуйан үөрэ-көтө
олорбуттара. Итинник үөрүнньэҥ, чараас дууһалаах үтүөкэннээх киһи этэ, биһиги доҕорбут Петр
Николаевич Данилов.
Бүөтүрдүүн мелиорацияланыахтаах сири элбэхтик кэрийбиппит. Барытыгар үөрэ-көтө, аһыы-
сии, истиҥник эн-мин дэһэн сылдьыбыппыт. Биирдэ дойдутугар Сыырдаахха таһааран Сыыр-
дааҕын күөлүн эргитэн көрдөрбүтэ. Сыырдаах күөлүн дьиктилэрин, хос түгэхтээх күөлүн. Чахчы
да үтүө сыһыаннаах, кимиэхэ да хоргута, хомойо сылдьыбыта суоҕа. Куруутун үөрэ-көтө, аһата-
сиэтэ сылдьар киһи этэ.
Кини дьиҥнээх ыраас, коммунистическай партия дьыалатыгар бэриниилээх халбаҥнаабат
коммунист быһыытынан сылдьан, чиэһинэйдик уонна таһаарыылаахтык үлэлээн-хамсаан, дьо-
нугар-сэргэтигэр умнуллубат ыраас суолу-ииһи хаалларан барда. Ол түмүгэр Ленин орденынан,
элбэх боевой, үлэ медалларынан, грамоталарынан наҕараадаламмыта.

Николай Алексеееич ОРЛОВ, сэрии, тыыл, үлэ еетерана,
Уус-Алдан улууһун, Хоро нэһилиэгин бочуоттаах гражданина,
Саха Республикатын тыатын хаһаайыстыбатын үтүөлээх үлэһитэ,

Чарац бөһ. Ахсыннъы ый 26 күнэ, 2005 сыл.

Василий Андреевич Протодьяконов-Кулантай

Биллиилээх советскай-партийнай үлэһит, биһиги биир дойдулаахпыт, суруйааччы Василий Ан-
дреевич Протодьяконов-Кулантай 1912 сыллаахха сэтинньи 14 күнүгэр Хоро нэһилиэгэр, Мүрү
күөл чугаһыгар баар Нал диэн кыракый алааска дьадаҥы Саха кэргэнигэр төрөөбүтэ. Вася кыра
эрдэҕиттэн сэргэх, көрдөөх-нардаах, кэпсэтинньэҥ, өрүүтүн үөрэ-көтө сылдьар уонна эйэҕэс
майгытынан дьону бэйэтигэр тардара. Саха сиригэр советскай былаас кыайан, үрүҥнэр туруулара
үлтүрүтүллэн, Саха норуотугар автономия кэлбитэ. Дьоллоох саҥа олох киирбэт күнэ күөрэйбитэ.
Ити бириэмэҕэ Вася Протодьяконов 10 саастаах этэ.
Сырдык олох боруогун - оскуола киэҥ аанын 12 саастааҕар Советскай былаас көмөтүнэн