Page 20 - Дьоҥҥо кэрэни түстүүрэ

өрүтгэри, хайысхалары киллэрбитэ. Кини илиитэ эрэ тиийиэ кэрэх, барыта дьикти-кэ-
рэ, уурбут-туппут курдук буолара.
Кылгастык олорорун билбит курдук умсугуйан туран үлэлиирэ. Сарсыарда бэрт эрдэ,
кэрэн и дэриэбинэ ыала саҥа уһуктан эрдэҕинэ туран аһын астаан, дьиэ иһэ минньигэс сытынан
түстүүрэ... тунуйан, кини үлэтин күнэ саҕаланара. Ким-хайа иннинэ библиотекатыгар кэлэн күннээҕи
үлэтигэр бэлэмнэнэрэ. Кини өрүү элбэх идеялардаах буолара, киэҥ толкуйдаах, ылсыбыт
дьыалатын дириҥник үөрэтэн көрөн эрэ баран саҕалыыр идэлээх, ураты суоллаах-иистээх
салайааччы этэ. Бииргэ үлэлиир дьоннорун, табаарыстарын, доҕотторун кытта уопсай ты­
лы булан, таһаарыылаахтык үлэлиирэ. Араас үлэҕэ эрдэттэн уһуйуллубута. Ол иһин
эдьиийбит кыайбатаҕа, сатаабатаҕа суохха дылыта. Ыарахантан, кытаанахтан чаҕыйбат
буолуу, кини биир үтүө хаачыстыбата этэ. Биирдэ истибитин умнубат, ахсаана биллибэт
үгүс сыыппалары, чахчылары, хоһооннору төбөтүгэр хатаан илдьэ сыл-дьара. Онтун
хайаан да үлэтигэр дьүөрэлиирэ. Киһини бэйэтигэр тардар ураты дьоҕурун, кэпсэтэр
киһитэ киниэхэ дууһатын, ис санаатын аһарын ситиһэр, истиҥ-иһирэх ис эйгэлээҕэ.
Олоххо күүстээх тардыһыылаах, активнай позициялаах, үлэни өрө туппут, кыр-
дьаҕастыын кырдьаҕас, эдэрдиин эдэр буолар, дьон туһа диэбит дьонтон биирдэстэрэ
этэ. Барыны бары уталыппакка оҥоро, ситиһэ охсуон баҕарара, инникитин маннык
буолуохтаах диэн сыал туруорунара.
Төһө да кылгас олоҕу олордор, бэйэтин “Биһиги Ааныспыт” диэн аатын ааттатар,
дьон өйдөбүлүгэр убаастабыл эрэ санааны хаалларан чаҕылхай олоҕу олорон ааспыта.
Саамай сөҕөр, дьиктиргиир хаачыстыбам диэн, кини тугу гыныахтааҕын, тугу ситиһиэх-
тээҕин билэрэ, бэйэтигэр бигэ эрэллээҕэ, хаһан да аккаастаабат, мунаарбат майгылааҕа.
Ол да иһин буолуо, кини ылсыбыт дьыалата үрдүк ситиһиилээх, толоруулаах буолара.
Биһиги бииргэ төрүөбүт алтыабыт. 5 кыыс, 1 уол. Олортон саамай улахаммыт эдьиий­
бит Нюта этэ. Сааспытынан да бары араа-бараа этибит. Биһигини иринньэх бэйэби-
тин бүөбэйдээн, түүннэри-күнүстэри сыламтата суох көрөн-истэн атахпытыгар туруоран
киһи-хара оггортообут түгэҕэ көстүбэт сүдү үтүөлээх. Биһиэхэ куруук бириэмэ ордо-
рон, кыра оҕо эрдэхпититтэн, араас кэпсээннэри, интэриэһинэй остуоруйалары,
хаһыаттартан мүччүргэннээх сырыылары, сонуннары ааҕарын, кэпсиирин бу баардыы
көрөбүт. Биһиэхэ барыбытыгар күн-күбэй ийэбит кэриэтэ, арчылыы, харыстыы
сылдьар аанньалбыт этэ. Кини сутурук саҕа сүрэҕэр бары анал-анал, тус-туспа миэстэ-
1. 6