Page 22 - Дьоҥҥо кэрэни түстүүрэ

тапкаҕа Екатерина Дмитриевна Донская нарын кэрэ тигиилэрэ, оһуордара, киэргэтиилэ-
рэ олус кэрэхсэннилэр”, “Быйыл “Туймаада-агроснаб” ГУП филиалын иһинэн саппаас
чаас маҕаһыына үлэлээн ордук отчут-масчыт тыа дьонугар улахан сэргэхсийиини таһаарда,
атыылааччьшан ЕД.Донская ситиһиилээхтик үлэлээн, тыа дьонун махталын ылыан ылар”.
Ис-иһиттэн иһирэхтик-истинник, итиитик-сылаастык, киһи долгуйар-уйадыйар гына
тыл этэн, конферансье быһыытынан биллибитэ. Араас тэрээһиннэргэ, бырааһынньык-
тарга, биир дойдулаахтар түмсүүлэригэр, үөрүүлээх түһүлгэлэргэ өрүүтүн көхтөөхтүк
кыттара, тэрийсэрэ, салайсара. Кэрэ-намыын куолаһынан кэпсээн-ипсээн, этэн-тыынан
киэргэтэрэ, ситэрэн биэрэрэ бу баар курдук. Саха норуотун айымньыларын, сахалыы
иэйиилээх ырыалары, хоһооннору олус сөбүлүүрэ. “Этим сааһа аһыллан, ис-испиттэн
тартаран туран истэбин”, — диирэ.
Билиитин-көрүүтүн эдэр ыччаты үөрэтиигэ-иитиигэ уурбута. Кини утуйар уутун умнан
туран үлэлиирэ, наада буоллаҕына ханнык баҕарар үлэҕэ тэҥҥэ сылдьыһара, эппит тыльгн
тыалга көтүппэт идэлээх этэ.
Дьиэтигэр-уотугар кини курдук тургэн-тарҕан, асчыт, иистэнньэн, уруһуйдьут ха-
һаайка элбэҕэ суоҕа буолуо. Үлэ, үөрэх, сырдык ыра аргыстаах эдэр саас барахсан ис­
тину дьиҥнээх тапталы билбитэ. Олоҕун аргыһынаан, бэйэ-бэйэлэригэр өйдүүн-санаа-
лыын, үлэлиин сөп түбэһэр дьон ыал буолбуттара. Эдэр ыал утуу-субуу үс уол оҕолом-
муттара. Кэпсээнэ-ипсээнэ, дьаһала, бу баар курдук. Кини дьахтар киһи сирдээҕи ана-
лын барытын билбит, үтүөкэн үлэһитин биллэрбит, дэгиттэр талаанын таһаарбыт дьо-
һун олохтоох саха дьахтарын биир далбар хотуна этэ. Ыраахтан-чугастан кэлбит доҕот-
торун, аймахтарын үөрэ-көтө көрсөрө, дьиэтин аана өрүү ыалдьыкка аһаҕас буолара.
Түбүктээх үлэтиттэн быыс булан, ынах-сүөһү ииттэн, улахан хаһаайыстыбаны иилээн-
саҕалаан туппута. Кини олоҕо оҕолорунан, сиэннэринэн, кэнэҕэски ыччатынан толо-
ру салҕанарыгар биһиги бары бигэ эрэллээхпит.
Итийэн-кутуйан туран тамада идэтин толору баһылаабыта.
Мантан аллара сөбүлээн ыытар сыбаайба аһыллыытын-церемониятын сценарийын
киллэрдибит.