Page 126 - Бастыннартан бастакы

лубут. Трибуна аннынан киэҥ түһүлгэ тула эргиччи плакаттарынан, лозуннарынан, былаахтарынан
киэргэтиллибит.
Ыһыах күнүс 3 чаастан саҕаламмыт, киирии тылынан оройуон Советын бэрэссэдээтэлэ Михаил
Николаевич Пестряков аспыт. Дакылааты райком секретара Николай Николаевич Барашков онор-
бут. Онтон микрофонтга П.А. Ойуунускай тахсар. Кини партия уобаластааҕы комитетын уонна
Саха АССР Совнаркомун ааттарыттан ыытылла турар бырааһынньык сүҥкэн суолтатыгар киэҥник
тохтоон тыл этэр уонна саха норуота сайдар-үүнэр кэскилин киэҥин ыйан туран, «Очуос таас уот-
тара» хоһоонун аахпыт. Оччотооҕу ыһыахха сылдьыбыт дьон П.А. Ойуунускайы сиэрэй сэлээппэ-
лээх, уһун кубархай халтаҥ сонноох, кылабачыйан көстөр синньигэс иилээх ачыкылаах, номоҕон
дьүһүннээх, сытыы, көрбүт-истибит киһи диэн ахталлар. Оттон саҥарара ырааһа, тыла ууһа, туттан-
хаптан уота-төлөнө киһини тардар уратылааҕа диэн сөҕөллөр. Ол кэнниттэн П.М. Павлов, онтон
Мэҥэ Хаҥалас оройуонун Ворошилов аатынан холкуос стахановеһа Степанов тыл ылан эппиттэр.
Тыл этиитэ бүтээтин кытта, сотору оройуонтга маҥнайгы самолет көтөн кэлэн, эҕэрдэ тыллаах лис-
товкалары түһэрбит, ону дьон-сэргэ сүрдээҕин сэргээбит.
Онтон трибуна артыыстарга уонна пионердарга бэриллэн, хойукка диэри ырыа-тойук...
Трибуна иннигэр буору томточчу кутан, кырыс ууран сулус оҥорбуттарын үрдүгэр былаах ас-
пыттар. Ол оҥорбут сулустарын омооно билигин даҕаны «Ойуунускай сулуһунан» ааттанан баар.
Пионердар сылын аайы онно кэлэн кэриэстээн, сбордары ыыталлара. П.А. Ойуунускай үбүлүөйү-
нэй дааталарын нэһилиэнньэ эмиэ ити миэстэҕэ мустан бэлиэтиир. Кыыһа Сардана Платоновна,
сиэннэрэ кэлэн күүлэйдээбиттэрэ, тэрээһиннэргэ кыттыыны ылбыттара.
Ыһыах иккис күнүгэр тиргиччи национальнай оонньуулар, оһуохай, сырсыы, тустуу, ыараханы
көтөҕүү, киэһэтин ат сүүрдүүтэ, хаартыскаҕа түһүү ыытыллыбыт. Билигин нэһилиэктэр аайы ол
ыһыахха түспүт делегациялар хаартыскалара өлбөт-сүппэт өйдөбүнньүк быһыытынан хараллы-
быттар, оттон биһиги нэһилиэкпит олохтоохторо сүнньүнэн бастакы күргүөмнээхтик хаартыскаҕа
түһүүлэрэ буолуо. Суруйааччылар литературнай куруһуокка дьарыктанар оскуола оҕолорун кытта
көрсүһүүлэрэ буолбут. ОСОАВИАХИМ үөрэнээччилэрэ Ворошиловскай ытыыны көрдөрбүттэр,
обороннай үлэҕэ быыстапкалар туруоруллубуттар. Денис Гаврильевич Пестряков (Өлтөх нэһилиэ-
гиттэн) Москваҕа үрдүкү спортивнай үөрэххэ үөрэнэр студент уонна биир нуучча уола буолан,
акробатическай нүөмэрдэри көрдөрбүттэр.
Киэһэтин П.А. Ойуунускай М.В. Бурцев дьиэтигэр оройуон олоҥхоһуттарын түмэн истиини
тэрийбит. Түмүгэр хас да олоҥхоһуту Дьокуускайга ыҥырбыт. Дьокуускайга Чараҥтан олоҥхоһут
Бурцев Константин Назарович кыттан, патефонунан наҕараадаламмыта биллэр.
Ыһыах үһүс күнүгэр оройуон Советын съеһэ үлэлээбит. Съезд трибунатыгар холкуостаахтар
Конституция уһулуччулаах саҥа бырайыагын, биһиги дойдубут кыайыыларын, партия дьыалатыгар
табаарыс Сталин ыытар политикатыгар бэриниилээхтэрин туһунан эппиттэр. Съезд П.А. Ойуунуска­
йы итиитик көрсүбүт. Кини Сталинскай Конституция советскай норуот улуу үөрүүтүнэн буолар.
Эһиэхэ үйэ-саас тухары туттарыллыбыт бу сиргэ дьоллоохтук олоруҥ, айымньылаахтык үлэлээҥ,
диэн этиитин түмүктээбит.
1937 с. П.П. Романов «Холкуос ыһыаҕар» хартыынатын суруйан бүтэрбитэ. 140x200 см кээмэ-
йдээх маслянай кыраасканан холустаҕа оҥоһуллубут үлэ социалистическай ис хоһоонноох, нацио­
нальнай формалаах саха култууратын сайыннарааччылар ойууламмыт үлэлэрин быһыытынан сыана-
лаан, билигин Национальнай уус-уран музейга художник биир сүрүн үлэтин быһыытынан хараллан
бар дьон көрүүтүгэр турар.
Бу үс күн устата ыытыллыбыт, дьон-сэргэ өйүн-санаатын уһугуннарбыт, байыппыт уонна ула-
хан сана сайдыыга ыҥырбыт-угуйбут ыһыах үтүө өйдөбүл буолан, көлүөнэттэн көлүөнэҕэ бэриллэн
быстыбат уһун үйэлэннэ.
Билигин Мүрү Чараҥын арҕаа саҕатыгар ол 1936 с. саргылаах ыһыах уйгулаах түһүлгэтин үйэ-
титэ РСФСР уонна САССР народнай художнига, И. Репин аатынан Государственнай бириэмийэ

125