Page 130 - Бастыннартан бастакы

Бэс ыйын 15 күнүгэр Чараҥ бөһүөлэгин биир кэрэ туонатыгар
Нэлээн хатыҥ чараҥар Саха сирин бастакы үс Үлэ Дьоруойдарыттан
биирдэстэрэ, Уус Алдан бастакы Үлэ Дьоруойа Данил Гаврильевич
Бурцев төрөөбүтэ 125 сылыгар анаан «Үлэнэн салаллар саргы» улуустааҕы
ыһыах буолан ааста.
Ыһыах күн сарсыарда 10 чаастан Үлэ Дьоруойун Д.Г. Бурцев үтүө
аатын уһун сылларга ааттатар, үлэни өрө туппут көлүөнэ дьонугар махта-
ныы бэлиэтэ — искибиэр Чараҥ бөһүөлэгэр киирии аартыгар бар дьону
уруйдуу турардыы оҥоһуллан, онно Дьоруой боруонса бүүһэ туруорул-
лан, үөрүүлээх быһыыга-майгыга арылынна, сибэкки дьөрбөтө уурулунна.
Үөрүүлээх тэрээһиҥҥэ Дьоруой кыыһа Саха Өрөспүүбүлүкэтин
үтүөлээх учуутала, А.Д. Бурцева, Уус Алдан улууһун баһылыга В.И. Ам­
мосов, 1-кы Хоро нэһилиэгин баһылыга В.В. Бурцев кэс тылларын
эттилэр.
Суруналыыс, суруйааччы, «Кэскил түһэ» улуустааҕы ийэ тыл түмсүүтүн салайааччыта
С.М. Бурцева — Суугунай Чараана Дьоруойга анаан суруйбут хоһоонун ааҕан иһитиннэрдэ. Хоһоон
Үлэ Дьоруойа олоҕун хоһуйар чахчы быһыытынан дьоҥҥо-сэргэҕэ кэрэхсэннэ.
Саҥа искибиэр, нэһилиэк биир кэрэ-бэлиэ миэстэтэ буолан, дьон-сэргэ, кэнчээри ыччат сүгү-
рүйэр сиригэр кубулуйуоҕа.
Бу үөрүүлээх түгэнинэн Уус Алдаҥҥа Үлэ Дьоруойа Д.Г. Бурцев төрөөбүтэ 125 сылыгар анам-
мыт «Үлэнэн салаллар саргы» улуус ыһьгаҕын тэрээһиннэрэ саҕаланнылар.
Былыр-былыргыттан илдьэ кэлбит төрүт үгэспит, алгыс, билигин өссө күүскэ сөргүтүллэн олох
сиэрэ буолла. Уус Алдан «Үлэнэн салаллар саргы» ыһыаҕын алгыһын СӨ норуодунай артыыһа
Владимир Заболоцкай түһэрдэ. Түһүлгэҕэ толору мустубут дьон ыһыах үөрүүлээх арыллыытын
кыттыылаахтара буоллулар. Мустубут ыалдьыттар атахтарыгар туран, икки илиилэрин өрө уунан,
сыллааҕы алгыстарын ыллылар, оҕолуун кырдьаҕастыын өйдүүн-санаалыын ыраастаннылар.

129