Page 74 - Бастыннартан бастакы

ОЛОВО ЫРЫА АРГЫСТААХ

Данил Данилович Бурцевы улууска, арааһа, билбэт киһи
суоҕа буолуо. Кини 50 сыл анараа өттүгэр, аам-даам тымныы
ааҥнаан турдаҕына, ахсынньы 2 күнүгэр холкуостаах дьиэ-
кэргэнигэр күн сирин көрбүтэ. Оҕо сааһа Аҕа дойду сэриитин
кэннинээҕи сыллар долгуннарыгар олорсон, Мүрү алааһыгар
ааспыта. Данил кыра эрлэҕиттэн. оскуолаҕа үөрэнэ сылдьан,
ырыа кэрэ абылаҥар ылларбыта. Айылҕаттан бэриллибит
талаанын таба тайанан, кэрэ-чуор куолаһынан ыллаан-туо-
йан дьонун-сэргэтин үөрдэр. Кини аан бастаан сценаҕа 14
сааһыгар тахсан ыллаабыта уонна күн бүгүнүгэр диэри кө-
рөөччүлэргэ көмүс куолаһын бэлэхтиир.
1967—1969 сылларга Советскай Армия кэккэтигэр Забай-
кальскай байыаннай уокурукка сулууспалаабыта. Манна Да­
нил уус-уран самодеятельноска активнайдык кыттыбыта. Са-
хатын сирин кэрэ айылҕатын, киэҥ-холку дууһалаах дьонун
ырыаҕа ыпсарбыта. 1970-78 сылларга Майаҕас, Тиит-Арыы,
Танда, Курбуһах кулууптарыгар директорынан, уус-уран са-
лайааччынан үлэлээбитэ. Нэһилиэнньэ, ыччат сынньала-
ҥын тэрийиигэ утуйар уутун умнан туран күннэри-түүннэри
үлэлээн, үгүс сыратын-сылбатын биэрбитэ, түбүктээх үлэ
үөһүгэр сылдьыбыта. Амма, Кэбээйи, Горнай, Чурапчы, Таат-
та, Томпо улуустарыгар фестивалларга, зона көрүүлэригэр
кыттан жюри саамай үрдүкү сыанабылларын ылаттаабыта.
ССКП обкомун агитациялыыр биригээдэтигэр сылдьыбыта.
1973 сыллаахха Данил Данилович Москваҕа съезтэр дыбарыастарыгар Бүтүн Союзтааҕы тыа сирин
уус-уран самодеятельноһын көрүүтүгэр кыттыбыта олоҕор биир умнуллубат үтүө түгэнинэн буолар.
Данил Данилович эргиэн систематыгар 1986 сылтан күн бүгүнүгэр диэри Мүрүтээҕи бэкээ-
тинэҕэ үтүө суобастаахтык үлэлиир. Үлэлиир коллективыгар эйэҕэс-истин сыһыанынан, сүбэһи-
:нэн-амаһытынан уратыланар, үлэһиттэр ытыктабылларынан туһанар. Кини өрүү саҥаны билэ-
көрө сатыыр. Тэрилтэтин иһинэн ыытыллар дьаһал-
ларга, үлэһиттэр сынньалаҥнарын тэрийиигэ үгүс
сыратын биэрэр. Данил Данилович «Холбос» рес-
потребсоюз I-II култуурунай-спортивнай фестивал-
ларын дипломана. Араас тэрилтэлэр дьаһалларыгар
ыҥырыылаах ыалдьыт, өрүү сахалыы сайаҕас
ырыанан бар дьонун күндүлүүр. Данил Данилович
кэргэниниин Галина Николаевналыын үс кыталык
кыргыттары күн сиригэр көтүтэннэр, сиэн диэн
минньигэсчээн, кырачаан киһи эбэтэ, эһэтэ буол-
лулар. Оҕолоругар күүс-көмө буоланнар, таптыыр
Мүрүлэрин алааһыгар ыал бастыҥа аатын ыланнар,
үлэлии-хамсыы сылдьаллар.
С. РОМАНОВА.
«Муру саһарҕата»

73