Page 109 - Аржаков Степан Степан

Кини талааннаах тэрийээччи, бэртээхэй араатар буола-
рын таһынан өссө сүрдээх суруксут. Үрдүк да дуоһунастар-
га олорон, хаһыаттарга, сурунаалларга ыстатыйаларын, со-
рох дьон курдук кимиэхэ эрэ сорудахтаан суруйтарбат этэ,
тус бэйэтэ лоп бааччы, киһи аахтар ааҕан барар гына чо-
чуйара. Оттон "Оонньооботох оҕо саас" ахтыытын, "Олоххо
уһаарыллан" диэн кинигэтин дьон кэрэхсээн аахпыттара.
Кини дьиэтигэр-уотугар сүрдээх бүгүрү, аламаҕай
хаһаайын, үлэни бүтэрбэккэ эрэ уурайбат, сыһа-соһо
сылдьыбат олус сүрэхтээх киһи.
Быйыл атырдьах ыйын 15 күнүгэр 70 сааһын, үлэһит
буолбута 50 сыла туолуутун бэлиэтиэхтээх ытык-мааны
киһибитин, республикаҕа өр сылларга бөдөҥ салайар
үлэһит быһыытынан бар дьон ытыктабылын ылбыт Степан
Степанович Аржакову, бары үөлээннээхтэрин ааттарыттан
истиҥник эҕэрдэлээн туран, киниэхэ дьонун-сэргэтин, сэ-
рии, тыыл ветераннарын тустарыгар өссө айымньылаахтык
үлэлииригэр, өр сылларга чэгиэн-чэбдик сылдьарыгар ис
сүрэхтэн баҕарабын.
Лука Гаврильсвич КОЛЕСОВ,
СР культуратын утуөлээх улэһитэ,
ССРС Суруналыыстарын союһун чилиэнэ.
"Саха сирэ" хаһыат. 06.08.99

Улахан уларыйыы сылыгар

1962 сыл бүтэһик икки ыйа элбэх кистэлэҥ да, аһаҕас да
мунньахтардаах, куоратынан, тыанан кэпсэтиилээх, улахан
түбүктээх уустук кэмнэртэн биирдэстэрэ этэ. Партия Киин
Комитетын дьаһалынан партийнай-советскай уорганнары
уларытан тэрийиигэ, оройуоннары бөдөҥсүтүүгэ улахан
дьаһаллары олоххо киллэрии саҕаламмыта.
Сотору кэпсэтии, үлэ аһаҕастык барбыта. ССКП Мэҥэ
Хаҥаластааҕы райкомун бастакы секретара Степан Степа-
нович Аржаков салайааччылаах тэрийэр комитет бигэргэ-
тиллибитэ. Икки райком холбоһуктаах пленумнара, икки
райсовет сессиялара буолуталаабыттара. 1963 сыллаах
тохсунньу ый саҥатыгар бастакы оройуоннааҕы партийнай
конференция ыытыллыбыта. Онон Нам сэлиэнньэтигэр
кииннээх Среднеленскэй оройуон тэриллибитэ. Райкомнар