Page 111 - Аржаков Степан Степан

көрдөбүлү туруорара, ирдиирэ, дьаһаллары толорору
модьуйара. Оччолорго партия салайар, тэрийэр, модьуйар
күүһүнэн ааҕыллара. Оннук тэрилтэ бастакы салайааччыта
хайдах киһи аайы сымныы, аһына сатыы, барытыгар чугу-
руҥнуу сылдьыаҕай? Ол эрээри салайааччы быһыытынан
бардамныырын, тойомсуйарын туһунан истибэтэҕим
даҕаны, көрбөтөҕүм даҕаны. Хата, кини быһаччы салалтаты-
нан үлэлээбиттэр билигин киһини сатаан истэр, сиэрдээх
этиини ылынар, ону туһанар салайааччы этэ дииллэр.
Кини кими эмэ анаан өрө тардыбат, кими эмэ самнары
баттаабат, барыбытыгар биир тэҥҥэ сыһыаннаһар этэ.
Принципиальноһа, туруоруллубут учаастагар эппиэтинэһи
таба өйдөөһүнэ кинини салайааччы быһыытынан киэргэтэл-
лэрэ.
Киһи быһыытынан судургу. Күлэр-оонньуур кэмҥэ
күлүүлээх-оонньуулаах, көрдөөх-нардаах. Оҕо эрдэҕиттэн
билиигэ-көрүүгэ тардыһымтыа, истибитин, аахпытын
өйүттэн ыһыктыбат. Биһиги курдук ааҕыы, дьарыктаныы
күүһүнэн сылдьыбат, ол гынан баран кимнээҕэр да ордук
бары боппуруостары быһаарара. "Общественнай үлэҕэ ак-
тыыбынай этэ. Улахан үлэһит буолуохтааҕа эрдэттэн бил-
лэр эбит", — диэн ахтар культпросвет оскуолаҕа үс сылга
бииргэ үөрэммит табаарыһа, сэрии, үлэ ветерана Афана-
сий Андреевич Протопопов.
Салайааччы-иитээччи буолуохтаах диэн көрдөбүл тура-
ра. Салайааччы дакылаат оҥоруохтаах, лекция ааҕыахтаах,
иитэр үлэнэн күннэтэ дьарыктаныахтаах этэ. Дьиҥинэн,
бүгүн даҕаны суолтатын сүтэрэ илик көрдөбүл. Степан Сте-
панович дакылааттыырын, лекция ааҕарын туһунан этэ да
барбаппын. Кини оройуон хаһыатын утумнаахтык туһанарын
этиэхпин баҕарабын. "Среднеленскэй производственнай
партком бастакы секретара С.С. Аржаков" диэн илии бат-
тааһыннаах ыстатыйалар кэмиттэн кэмигэр бэчээттэнэллэ-
рэ. Итилэргэ партийнай, хаһаайыстыбаннай, идеологичес-
кай үлэ тирээн турар соруктара уонна олору олоххо киллэ-
рии суоллара ыйыллаллара.
С.С.Аржаков — суруйар журналист, литературнай
дьоҕурдаах салайааччы. Бу биир чаҕылхай туоһутунан кини
1996 сыллаахха таһаартарбыт "Олоххо уһаарыллан" диэн
кинигэтэ да буолар. Республика хаһыаттарыгар ыстатыйа-