Page 110 - Аржаков Степан Степан

оннуларыгар колхознай-совхознай производственнай
управление парткома диэн салайар партийнай уорган баар
буолбута. Кини бастакы секретарынан С.С. Аржаков быы-
бардаммыта.
Бастаан утаа улэ олус уустуга уонна ыарахана. Оройуон
территорията Арҕаа Европа хас эмэ государствотын холбоо-
букка тэҥнээх дииллэрэ. Телефоннай сибээс билиҥҥигэ
тэҥэ суох мөлтөҕө. Хаһыат 2-3 ый кэриҥэ кыайан
таһаарыллыбатаҕа. Оннооҕор Илин эҥэр улэһиттэрэ хам-
настарын хантан ылыахтаахтара бэйэтэ туспа уустук боппу-
руоһунан буолбута. Нэһилиэнньэ санаата, ордук Илин
эҥэргэ, соччо үчүгэйэ суоҕа. Дьэ итини барытын сиэрдээх-
тик быһаарыы парткомҥа уонна райсовекка тирээбитэ.
Партком бюрота, кини секретара С.С. Аржаков биир саа-
май ыарахан экзамены ааспыта.
Коллективнайдык толкуйдаа, түмүгэр соҕотоҕун эппиэт-
тээ диэн партийнай принцип баара. Степан Степанович
онон салайтарбыта саарбаҕа суох. Олох сүнньүн булан ис-
питэ. Промышленнай тэрилтэлэргэ, тыа хаһаайыстыбаты-
гар таҥнары түһүү таһаарыллыбатаҕа. Идеологическай үлэ
ордук тэтимирбитэ. Оскуолалар булгуччулаах орто үөрэх-
тээһин сокуонун олоххо киллэриигэ салгыы үлэлээбиттэрэ.
1963 сыллаахха профтехучилище аһыллыбыта. 1963-1964
сс. культура тэрилтэлэрэ республика тас өттүгэр тахсыта-
лаабыттара. Идеологическай үлэҕэ партком улахан уустук-
тары көрсүбэтэх буолуохтаах. С.С. Аржаков культура
үлэһитэ уонна учуутал идэлээҕэ итиэннэ ити салааларга
үлэлээбит практикалааҕа тирэх буолбуттара чахчы.
Партком бэйэтин чилиэннэрин итиэннэ атын актыыбы
үлэҕэ сатаан туһанара. Холобура, мин от үлэтин саҕана
Өспөххө, Найахыга боломуочунай буолбуттаахпын. Туох да
боччумнааҕы оҥорботоҕум да иһин, үлэни-хамнаһы тэри-
йистэҕим, туолуутун хонтуруолластаҕым, былаас, партия
бэрэстэбиитэлэ буоллаҕым дии.
С.С. Аржаков оччолорго отутуттан эрэ тахсыбыт эдэр
киһи этэ. Этэргэ дылы, күөгэйэр күнэ буоллаҕа дии. Кини
тылынан-өһүнэн, билиитинэн үгүстэри баһыйара. Дакы-
лааттарын, этиилэрин, түмүк тылларын элбэхтик истибип-
пинэн итинник түмүгү оҥоробун.
Дьоҥҥо, үлэ-хамнас боппуруостарыгар кытаанах