Page 42 - Аржаков Степан Степан

но миигин 1952 сыл бүтүүтүгэр секретарынан талан кэбис-
питтэрэ.
Онон Сэбиэт, колхоз, оскуола үлэбитин кыттыһан былаан-
ныырбыт, күүспүтүн аттаран туруорарбыт, колхоз оскуо-
лаҕа, оскуола колхозка хардары-таары көмөлөсүһэрбит, су-
буотунньук бөҕөнү тэрийэрбит. Ол түмүгэр Киров аатынан
колхоз (председатель А.Р. Баишев) оройуонҥа үлэ үгүс
көрүҥнэригэр үчүгэй холобурга ахтыллар, оттон оскуола
саҥа үөрэх дьылларын эрдэттэн бэлэмнээх көрсөр буолбут-
тара.
Дьабыыл оскуолатын салалтата, төрөппүттэр комитетта-
ра дьиэ кэргэҥҥэ оҕону иитии боппуруоһун партийнай тэ-
рилтэ таһымыгар тиийэ туруорбута. Ол курдук 1955 сыл
саҥатыгар үчүгэйдик үөрэнэр оҕолордоох төрөппүттэр В.А.
Баягантаев, М.В. Лонгинова оҕолорун дьиэҕэ иитиилэрин
туһунан уопуттарын аһаҕас партийнай мунньахха иһитин-
нэрбиттэрэ.
1954 сыллаахха сэтинньи 7 күнүгэр чекист Н.В. Петров
туттарбыт оскуолатын 25 сылын төрөппүттэр киэҥ араҥала-
рын хабан тэрээһиннээхтик ыыппыппыт. Ити Дьабыыл оскуо-
латын бастакы үбүлүөйэ буолуохтаах.
Дьабыыл оскуолатыттан 1955 сыллаахха миигин Майаҕа
үөрэх салаатыгар үлэҕэ киллэрбиттэрэ. Онтон ыла биэс
уонча сыл чугаһаата буолан баран, Дьабыылы, маҥнай
үлэһит буолбут дойдубун, кини дьонун-сэргэтин умнубап-
пын, сибээспин быспаппын. Кэлин саҥа оскуола тутуллуу-
тугар, комплектациятыгар Госснаб председателинэн оло-
рон көмөлөһөрүм. Кэлин 1997 сыллаахха оскуола 75 сыл-
лаах үбүлүөйүгэр сылдьыбытым.
Учуутал дьоҥҥо оҕолорбут үөрэхтээх, үчүгэй үлэһит
буолалларыттан ордук үөрүү суох. Урукку үөрэнээччилэр-
биттэн Валя Лонгинова СР үтүөлээх учуутала, "Норуоттар
доҕордоһуулара" орден кавалера, Степа Баягантаев РФ
үтүөлээх учуутала, Гоша Артемьев СР норуотун хаһаайыс-
тыбатын үтүөлээх үлэһитэ, Гриша Стручков СР үтүөлээх ту-
тааччыта, Кирилл Пермяков "Бочуот Знага" орден кавалера
буолбуттара.
Үөрэппит оҕолорбут биһигини умнубаттара, тоҕоостоох
кэмнэргэ ахтан ааһаллара кырдьаҕас учууталга улахан
наҕараада. 1989 сыллаахха мин 60 сааспын туолуубар