Page 44 - Аржаков Степан Степан

Эстафетаны ыытыы үгэскэ кубулуйбута. Сылтан сыл ах-
сын тупсарыллан, программата кэҥэтиллэн испитэ. Анал
девизтэринэн барар буолбута. Эстафета түмүктэрэ
оройуон киинигэр Майаҕа, оччотооҕу культура дьиэтигэр,
билиҥҥинэн "Манчаары" кинотеатр кыараҕас саалатыгар
лыык курдук ыга симсэн бастыҥ коллективтары, лауреатта-
ры наҕараадалаан, улахан концертаан түмүктүүрбүт.
Суумалаан эттэххэ, сыллата ахсын эстафеталар олус
көхтөөхтүк, хас биирдии кыттааччыны, салайааччыны
дьиҥнээхтик "ыарытыннаран", кулууптар ахсын түүн хойук-
ка диэри оонньуулаах, үҥкүүлээх, өрө көтөҕүллүүлээхтик
бараллара.
Эстафетаны ыытыыга элбэх көмөнү оҥорбут энтузиас-
тарга, активистарга, культура үлэһиттэригэр А.А. Неустро-
евка, Н.Ф. Петровка, Н.М. Дмитриевкэ, О.А. Афанасьеваҕа
о.д.а. махтана саныыбын.
Биир ураты суолу бэлиэтиир наада, ол — комсомол рай-
кома эстафетаны тэрийсэрин таһынан, кини үлэһиттэрэ,
быһаччы бастакы секретардар В.К. Степанов, В.Р. Ларио-
нов, Ф.Г. Охлопков, П.Н. Дмитриев, А. С. Винокурова, эп-
пиэттээх үлэһиттэр И.Е. Винокуров, А. Ланцетова, А. Афа-
насьева тус бэйэлэринэн үҥкүүгэ, концертарга кытталлара,
ыччакка үтүө холобуру көрдөрөллөрө. Ити оройуоҥҥа
үчүгэй үҥкүү коллектива үөскээһинигэр эмиэ сабыдыал-
лаабыта чахчы.
Сельсоветтар председателлэрэ, партийнай тэрилтэлэр
секретардара культура эстафетатын ыытыыга мэлдьи
көмөлөһөллөрө, кинилэр истэригэр, мин өйдүүрбүнэн, С.Н.
Саввин, П.И. Говорова, П.П. Попов, М.Е. Попов, Г.Г. Баи-
шев, С.М. Артемьев бааллара.
Сорох колхозтар салайааччылара М.П. Захаров, М.С. Га-
бышев, И.Н. Шарин уо.д.а. ыччаттарын кытта бэйэлэринэн
сылдьан концертыыллара.
Бастакы сылларга ыытыллыбыт культура эстафетата
нэһилиэнньэ, ыччат культурнай сынньалаҥын тэрийиигэ,
олорор сиринэн иитэр үлэни тупсарыыга, культурнай-сыр-
датар тэрилтэлэр материальнай базаларын хаҥатыыга, ки-
нилэр үлэлэрин байытыыга кырата суох оруоллаах буолбут-
тара. Ол оройуон экономиката, культурата үүнүүтүгэр,