Page 50 - Аржаков Степан Степан

ортолоро диэн ааттаан Өлөчөй уонна Бэдьимэ диэн саҥа
бөһүөлэктэри тутуу саҕаламмыта. Ити колхозтаахтар элбэх
үптэрин, күннэрин, көлөһүннэрин ылбыта мэлдьэҕэ суох.
Аҕыс оройуону хабан тэриллибит иэмэ-дьаама суох
"производственнай управление" биир да оройуонҥа,
хаһаайыстыбаҕа дьиҥнээхтик күннээҕи производствонан
да, кэскиллээх да боппуруостарынан кыайан дьарыктамма-
таҕа уонна дьарыктанар да кыаҕа суоҕа. Холобура, 1962
сыл сааһа эрдэ кэлбитэ. Ыһыы ыам ыйын иһигэр бүппүтэ.
Бэс ыйын саҥатыгар борооскуну, саҥа да төрүөҕү таһырдьа
маассабайдык таһаарыы, оҕуруот аһын сорох көрүҥнэрин
аһаҕас груҥҥа олордуу эмиэ саҕаламмыта. Ол кэмҥэ бэс
ыйын 4-5 күннэригэр тымныы тыал бөҕө түспүтэ, салгыы
хаар үллүктээбитэ. Ол туһунан метеопрогноз да сводката,
тыа хаһаайыстыбатынан дьарыктанар ааттаах производ-
ственнай управление биир даҕаны эппиэттээх үлэһиттэрэ
да сэрэппэтэхтэрэ, миэстэҕэ специалистара да суох буо-
лан биэрбиттэрэ.
Партия райкомун, райсовет исполкомун, райкомол уонна
оройуон хаһаайыстыбаннай активын түргэн үлүгэрдик түмэ
тардан, суһал дьаһаллары ыллара миэстэҕэ ыыталаан, кы-
ра сүөһүнү, үүнээйини айылҕа алдьархайыттан бэйэбит эрэ
күүспүтүнэн быыһаабыппыт.
1962 сыл сайына эмиэ курааннаабыта. От-бурдук
үүнүүтэ мөлтөх этэ. Ол үрдүнэн үлэҕэ улахан уопуттаах уон-
на үрдүк эппиэтинэстээх салайааччылар колхозтаахтары
үлэҕэ түмэ тардан, бириэмэтигэр дьаһал ылан ыарахаттар
туоратыллан испиттэрэ. Колхозтар бары хаһаайыстыбаннай
ахсааҥҥа уонна харчынан төлөбүргэ киирбиттэрэ. Ити
дьаһал колхозтаахтар материальнай интэриэстэрин өрө
көтөхпүтэ.
Оройуон үрдүнэн "улахан" үүт иһин охсуһуу тэриллиби-
тэ. Көҕүлээччилэринэн ССКП обкомун чилиэнэ М.Е. Степа-
нова, ССРС Үрдүкү Сэбиэтин депутата К.Г. Черкашина, на-
ставник-ыанньыксыт П.С. Винокуров буолбуттара.
Сиртэн туруктаах үүнүүнү ылыы иһин охсуһуу инники
күөнүгэр Социалистическай Үлэ Геройа Г.С. Самсонов, Ле-
нин орденын кавалера Д.А. Сивцев, хортуоппуй үүннэрээч-
чи Михаил Шамаев испиттэрэ.
Ити кэмҥэ Н.С. Хрущев аны кэтэх хаһаайыстыбаны суох