Page 48 - Аржаков Степан Степан

"Правда" колхозка ССКП райкомун партийнай-тэрийэр
үлэҕэ отделын урукку сэбиэдиссэйэ Г.Д. Исаков, "Комму-
низм" колхозка Бүтэйдээх орто оскуолатын урукку директо-
ра А.Н. Анисимов председателлэринэн үлэлииллэрэ. Оттон
Ленин аатынан колхоз председателэ бастакы отут тыһыын-
чалаахтар бастыҥнара, ССРС Үрдүкү Сэбиэтин депутата
М.Д. Петров этэ.
Михаил Дмитриевич ССКП райкомун бюротун чилиэнэ
этэ. Кини дьиҥнээх принципиальнай коммунист быһыыты-
нан дьүүллэһиллэр боппуруостарга бэйэтин санаатын
хайаан да этэрэ, сөбүлэспэт түбэлтэтигэр утарсан да тура-
ра. Оттон уураах таҕыстаҕына толорбутунан барара.
1961 сыллаахха Мэҥэҕэ от-бурдук аанньа үүммэтэҕэ.
Оннук умайар уот кураан, сут буолбатаҕын иһин, улахан чы-
чырбас сыл буолбута. Онуоха эбии Н.С. Хрущев "уларыта
тутууларын" буккуурдара үлэни-хамнаһы үтүрүйбүттэрэ,
атахтаабыттара даҕаны.
Олортон аҕыйаҕы ахтар буоллахха, бастакытынан, Хаба-
ровскай куоракка 1961 сыллаахха сэтинньи ый бүтүүтэ
буолбут Дальнай Восток уонна Илин Сибиир үлэһиттэрин
тыа хаһаайыстыбатын сайыннарыы боппуруостарыгар
зонатааҕы сүбэ мунньахтарын ааттыахха сөп. Ол мунньахха
Мэҥэ Хаҥалас оройуонуттан М.Д. Петров, оҕуруотчут, Со-
циалистическай Үлэ Геройа Г.С. Самсонов уонна мин кыт-
тыыны ылбыппыт.
Пленарнай мунньах буолуон иннинээҕи сүбэлэһиигэ
биһигиттэн Михаил Дмитриевич Саха сирин усулуобуйаты-
гар бурдугу үүннэриигэ үс хонуулаах севооборот табыгас-
тааҕын, онно техниката суох солооһун кыайан оҥоһуллуба-
тын, государство үбүнэн көмөтө көрдөнүллэрин туһунан эп-
питэ. ССКП КК Президиумун чилиэттэрэ Д.С. Полянскай,
Г.И. Воронов дьэ буолан турбаттар дуо? Полянскай: "Саха
трибунаҕа тахсыа эрэ кэрэх, хайаан да тугу эрэ көрдүөх кэ-
риҥнээх", — дии оҕуста. Оттон Воронов буоллаҕына:
"Эһигини травопольщиктары ыспыт оккут силистэрин кытта
бииргэ үргүөххэ наада", — диэн суоһурҕанна. Ити кэмҥэ
Н.С. Хрущев улуу учуонай, академик Вильямс травопольнай
систематын дойду үрдүнэн үлтү сынньыы хампаанньатын
ыыта сылдьара. Ити курдук көмө, сүбэ ылар оннугар,
үөҕүүнү-мөҕүүнү көрүстүбүт.