Page 83 - С.С.Аржаков, Н.Н.Петров. Военное лихолетье

СОВЕТСКАЙ СОЮЗ КӨМҮСКЭЛИГЭР ОХТУБУТА

Эһиги хаартыскаҕа Антон Степанович Осиповы
көрөҕүт. Кини Сунтаар оройуонугар Н-с Дьаархан нэ-
һилиэгэр 1905 сыллаахха төрөөбүтэ. Быйыл 100 сааһын
туолуо этэ.
Кини туһунан суруйуулар суохтарын кэриэтэ. Сэрии
иннинээҕи сылларга милиционерынан, араас хаһаайыс-
тыбаннай үлэлэргэ сылдьыбыт. 1927 с. БСК(б)П кэккэ-
тигэр киирбит. Аммаҕа, Мэҥэ-Хаҥаласка бандьыыттары
утары сэрии кыттыылааҕа, ол сылдьан атаҕар бааһырбыт.
Хас да сыллааҕыта мин Орловскай уобаластан Димит-
ровскай оройуонун военкоматыттан сурук туппутум. Онно
этиллэр: “1905 сыллаахха Сунтаар оройуонугар төрөөбүт
Антон Осипов Димитровскай оройуоҥҥа буолбут кыргы-
һыыга охтубут. Сэрии бүппүтүн кэннэ кини өлүгэ Власов-
ка сэлиэнньэттэн чугас Березовка дэриэбинэҕэ
көһөрүллүбүтэ. Кини аата онно суруллан турар. А.С. Осипов 109-с стрелковай пол-
каҕа рядовойунан сулууспалаабыт”.
Биллэринэн, Осипов кыргыһыы кэмигэр ыараханнык бааһыран 1943 с. өлбүт.
Саха эдэр уола олоҕун улуу Советскай Союһу көмүскүүр охсуһууга уурбута.
Сэриигэ 1941 с. күһүнүгэр Сунтаартан барбыта. “Хорсунун иһин” бойобуой мэтэ-
эллээх. Бүгүн хаһыакка бэчээтгэнэр А.С. Осипов хаартыскатын мин 1988 с. Димит-
ровскай оройуон военкоматыгар ыыппытым. Хаартыска Березовка дэриэбинэҕэ ос-
куола музейыгар туруоруллубутун туһунан миэхэ оскуола директора суруйбута.
Алексей ВАСИЛЬЕВ

6 Аржаков, Петров